我的花貓的花變了紋……

小弟去年十月獲贈一棵花貓側芽，到今年春天時開了第一次花





開第一次花後，我做了以下的事情︰

1. 剪了頂芽，變成兩個側芽勁生
2. 放佢到更多陽光的地方曝曬 (一向都是戶外，不過改了位置。同埋入夏後曬到飛起，不過佢好似越生越有)


到近日佢又開花了。花色由粉紅變桃紅，而且花紋唔同左…



仲有一朵有一對「護翼」


(凋謝了的樣子)

想問下各位點解會咁GE ？係咪多左太陽？

同埋佢D 葉有少少啡色一點點，是否曬得太勁OR 中左蟲…？

謝謝！

有冇大大可以指教一下小弟……

溫度和光線會影響花色,過熱會變K花
花貓忌曝曬(中午的陽光)

我有2盆花貓都放西斜既窗檯,天氣熱難免會出K花同花紋變色

carlsbergman  咁西斜既陽光呢～但我個位只有這時間照到光咋喎～之前用散射光，棵花以經扯高晒啦～唔知點算好啦～  發表於 昨天 19:17

已經扯高既部份無得搞，如果轉去新位夠光，新長出既會慢慢正常翻咖~
西斜既陽光，如果唔係太過晒都ok咖，留意棵貓有無燶葉同埋d水份會唔會蒸發得太過快搞到d葉軟晒，就算到夜晚都回復唔到咁，
光照最好照到3個小時或以上~

正常~
好多貓冬天同夏天開出黎既花都會唔同樣，
視乎溫度高低~

jose666  咁其實花貓要多水定少水? 係花盆底用水養住ok嗎? 擺係室內定室外好d? 駛唔駛比風扇吹住or嘆冷氣? (分享回來的花貓呢幾日都軟哂葉~)  發表於 1 小時前

花貓係中意飲水的~ 但唔代表花盆底要用水養住...
尤其係用泥種既花友們，如果盆底無放蘭石之類墊一墊疏一疏水，
更加唔好咁做，夏天好容易會爛根的~
花貓放室外定室內，其實無所謂，最緊要夠光先真~
花貓唔怕熱(弱雞苗仔除外)，唔洗開冷氣俾佢嘆，不過種植環境最好通風空氣流通~
(分享回來的花貓呢幾日都軟哂葉~) > 淋完水之後係真咪都係回復唔到?
掘開少少泥睇下d根有無事，主莖有無變啡，篤落去有無"淋淋"地既感覺?
如果無，應該係熱昏了~ 放翻係空氣流通無咁熱既位置會自己好翻~

tsoiyiu1009 發表於 2012-8-8 20:29
jose666  咁其實花貓要多水定少水? 係花盆底用水養住ok嗎? 擺係室內定室外好d? 駛唔駛比風扇吹住or嘆冷氣? ...

花貓除咗泥種 仲可以水種?