本帖最後由 曖娜娜子 於 2012-5-18 20:16 編輯
日本風格嘅東東向來我都超鐘意~ 森林系, 和風系, 甜美系~......
第一次淘花盆, 遇見啱心水嘅款式,更加不可放過~
下面呢2個購於同一間鋪, 原本訂咗3個款,共4個盆, 但寄貨時通知話其中有2個盆爛咗, 唔寄俾我, 叫我申請退款.
後來收到貨後, 藍色嘅盆有好明顯嘅裂痕, 而啡色就冇, 最後藍色都退埋錢俾我了~
款式好和風feel,但質量就......, 輕輕擺低喺地時, 發出嘅聲音系尖銳同沙沙聲~ 感覺D陶系有千萬個小窿, 一定好容易就會裂同爆~
以後應該唔會再同呢間鋪買嘢了,雖然佢哋都有通知我有問題, 同將有問題嘅退錢俾我~
但自己揀出來嘅一定系鐘意,系想要擁有嘅, 最後又得唔到貨, 同貨有問題,個心情系由好期待變到好無奈~
同埋質量上,價錢上與淘寶其他商家相比,佢嘅性價比真系比較低
再下面呢4個,就喺另外一間訂, 呢間反而好好呢~, 無論款式,質地~ 都同喺網上睇圖嘅冇乜相差~ (今天又再追多一單 )
紫/綠色波浪小盆,特別鐘意~ 甜美feel~ 手感都墜手,實淨~ 令面~ 原本系種肉肉嘅冇窿小盆,最後店主幫我打埋底窿 ^^
陶土色垂枝盆, 呢個就好和風feel~ 少少磨砂面~ 有質感~
最後~ 大合照~
|