苦瓜初果只有兩吋便發黃[已解決]

於4/5在大盆內種了苦瓜和茄子

5月4日在大盆內種了苦瓜和茄子

24樓的窗台

位於24樓的窗台

2個初果都是這樣，無包但不覺有針孔

2個初果都是這樣，雖無包，但不覺有針孔

請教是何原因，如何改善現況 ﹖

迷你苦瓜??

食左佢

我果D 1吋便發黃...............

bartholomew 發表於 2013-7-1 20:35
我果D 1吋便發黃...............

難得一見，我好您少少，多您一吋，希望盡快有高人指點吓就好了。
咁細個都唔知拿來做什麼好

係咪唔夠光同肥 ?! 我E+都種緊, 希望唔好咁細個啦.

我諗( 只係我諗 ), 苦瓜要好多陽光, 越熱越好. 肥亦要足. 我都在嘗試中, 暫時只見有花lum ( 應該係雄花 )

我都有同樣情況經驗...
(1) 係唔夠肥 / 澆水
(2) 已比果蠅針了內裡開始生蟲 , 都會細細隻已發黃現象!

我都你初哥一名, 不過我好好彩, 5月10日落種子, 種了4株, 而家有2個苦瓜, 一個大概5至6吋長, 一個2吋多D; 不過我在天台種. 好似上面C兄講, 要勁多陽光, 夠水份. 如盆種, 要盤大, 泥足, 鉀肥足. 因為我冇セ經驗, 換完中盤又換大盤... 同埋D瓜一收花就要盡快包瓜. 果蠅快到你唔信! (以上都是我估, 如有不對請多多指點).

另外想請問你是否人工授粉? 想請教大家有無セ野好方法人工授粉? 我用棉花棒. 好多時碰到雌花就好容易整爛佢D花反. 有次重整爛左佢個花蕊(而家仲內疚緊). 各位有セ好計呢? Thanks!

我5月4日落種，施了基肥後未有追肥，也没有人工授粉，因我6月3日離港，6月30日回港，回港後一看便是這樣 唔想咁樣，可以點樣

Billywong 發表於 2013-7-2 14:12
我都你初哥一名, 不過我好好彩, 5月10日落種子, 種了4株, 而家有2個苦瓜, 一個大概5至6吋長, 一個2吋多D;  ...

我都係第1次種苦瓜, 都交咗唔少學費 (俾果蠅針咗10+ 20隻).  你有冇俾埋雞屎肥佢?  我就早晚淋水1次, 怕只淋1次佢頂唔順.  到目前為止收到4隻可食, 另4隻熟晒都唔知, 所以收起種子下年又嚟過.

Billywong 發表於 2013-7-2 14:12
我都你初哥一名, 不過我好好彩, 5月10日落種子, 種了4株, 而家有2個苦瓜, 一個大概5至6吋長, 一個2吋多D;  ...

忘記講點樣採花粉~~~我係用bbq蜜糖掃整, 仲將d毛毛修剪短d好用d

sanwah 發表於 2013-7-2 15:19
我5月4日落種，施了基肥後未有追肥，也没有人工授粉，因我6月3日離港，6月30日回港，回港後一看便是這樣  ...

所以知道做農夫幾辛苦, 真係一分耕耘一分收穫, 冇話不勞而穫.

太熱太焗"up"熟左?

見你係室內種植, 坦白講, 真係唔得架.  苦瓜係要陽光 水份 肥料樣樣都要夠多, 少咗樣生長出嚟都唔健康.  怪唔知得你話個果黃咗但冇針孔, 相信佢係屈住喺個細盆種得耐而你又唔採收, 就搞到咁細粒已熟晒.  所以你呢盆似觀賞多過種嚟食用.

金盞花 發表於 2013-7-2 16:31
見你係室內種植, 坦白講, 真係唔得架.  苦瓜係要陽光 水份 肥料樣樣都要夠多, 少咗樣生長出嚟都唔健康.  怪 ...

請您仔細再看清楚，我的盆是大盆，尺寸是 70長 x 40寛 x 26.3cm深，還有，花盆在室內，但藤蔓在室外，日照可由12時到日落7時

在花墟買的$120盆，如果有露天可種，我都想

我用雪榚盒種都能有正常大小的苦瓜出來,不過前陣子不斷下雨,欠缺陽光,這應是你苦瓜種不大的原因!

LHS1 發表於 2013-7-2 21:28
我用雪榚盒種都能有正常大小的苦瓜出來,不過前陣子不斷下雨,欠缺陽光,這應是你苦瓜種不大的原因! ...

多謝您花時間來看我的貼文，感激

金盞花 發表於 2013-7-2 16:03
忘記講點樣採花粉~~~我係用bbq蜜糖掃整, 仲將d毛毛修剪短d好用d

多謝各位的好方法！我會馬上試試整返支剪短毛的BBQ毛筆

我都剛剛有個苦瓜3吋長便黃了, 請問黃左仲食唔食得? 點樣睇先知係比果蠅釘左?

ahmeme2000 發表於 2013-7-7 12:22
我都剛剛有個苦瓜3吋長便黃了, 請問黃左仲食唔食得? 點樣睇先知係比果蠅釘左? ...

仔細看表面有否針孔，切開有無虫虫。