Sogo 日本車厘茄

請問有無人知Sogo 賣果D日本車厘茄是甚麼品種; 朋友拿了一粒試食, 很甜, 皮很薄和脆的, 留了種種了出來, 一串串, 都是很甜, 但皮就厚了一點.

有冇相睇下

f1 種子由兩個品種雜交, 各取其長.
假設 Sogo 日本車厘茄係 f1 hybird, 你朋友種既就係 f2 種子,
種出來會似阿爸 (皮厚但甜), 或似阿媽 (皮薄味淡)

以上都係我自己估估下咋,
因為我都揀緊下次種既蕃茄品種, 睇到一些呢方面既資料.
原來有好多又高產又甜又靚仔既品種都係雜交出來, 即是每次都要重新買種子啊.

有錯請指正.

種得出結到果已經好好彩。
我之前響日本買翻香港食嘅桃形番茄, 種咗兩棵, 結唔翻桃形 (結咗牛排茄形—未知味道)不特止, 仲要結果率低; 一棵結得一個茄, 另一個得兩個茄。
最慘我見過有花友種自留種番茄, 種到成株都結唔到果, 最後要成棵毀滅浪費心血。

Sogo 日本車厘茄鄰居留種自種 (原來是已經再留種再種)





我未食過噤好口感, 噤甜, 噤好味嘅車厘茄...明年一定要種, 好想知係咩品種...

xx_Luca 發表於 2012-3-16 21:33
f1 種子由兩個品種雜交, 各取其長.
假設 Sogo 日本車厘茄係 f1 hybird, 你朋友種既就係 f2 種子,
種出來會 ...

f1種子種出嘅植物係唔留種果噃,你有冇睇說明呀.

見習農夫4 發表於 2012-3-27 23:50
f1種子種出嘅植物係唔留種果噃,你有冇睇說明呀.

f1種子包裝上會說明不可留種, 個意思係留種再種出來既唔保證係你買既原先品種.
我睇過一些外國既種植網, 有些人會因為好奇專登試種 f2 甚至 f3 既種子 (冇計人地前園後園我得個恨字),
有 d 好唔掂, 有 d 不過不失, 有 d 甚至話正過原先果種, 要種多幾代變成自家園子品種 ......