羽薰健康嗎

這是我第一盆羽薰，在年宵花市買的。
花苞很多，年初時也曾開花，但之後紫色好像減退了…
我每兩天給根澆滿一次水，沒有施肥/換盆，太陽有點不足(因為這幾天多雲…)
其中一個花蕊其實彎了下去，我用旁邊兩個小花蕊暫時把它夾直著，希望能把它扶起來。

曾經過花的花蕊，現在都看不到花了

不少花苞，等耐中…


根的情況

根的情況

雖然葉子感覺像長得不錯，(事實是不斷在修剪殘枝—有黑點，整條黑掉的都剪掉丟了)，但紫色漸漸減退，擔心是營養不良，有人可以賜教嗎?

任何植物都不應太過濕...原則是泥土不乾不淋
現在天氣較涼就更應少淋水...天氣冷泥土根本有排都未乾(起碼一星期)
羽葉薰衣草粗生得很...等多個月開完花後剪掉花菖再慢慢研究施肥都未遲~

一星期一次嗎…我看不少說法都是兩天一次，所以照樣做
這幾天改放至一個能曬又擋雨的室外環境，好像比較穩定了
粗生歸粗生，我本來打算放在室內不通風的地方，結果情況急轉直下，才讓他到露天地方任性一下，相比室內而言，好轉很多了。(只是搬出去後就沒有再開花，但不少花菖出來，數算過後約有13個…到時候都要剪掉?

這幾天改放至一個能曬又擋雨的室外環境，好像比較穩定了<=呢個你做啱左
呢幾日都無乜太陽....濕度又高....唔需要兩日淋一次水...
D泥成日KEEP住濕會好易爛根~
天氣...環境及泥既梳水度都會影嚮泥乾既速度...
淋水要睇泥既情況...無話實要幾多日要淋一次水...
呢D植物泥乾先就淋水...淋水就淋到底出水

而家棵羽薰健康好多喇，等差唔多成個星期、泥乾透先淋水，真係好好多。仲開埋花添...


遲d可能有大爆發，而家粗略點算有17個花菖...

我就驚過龍，剛買番尼就怕淋死佢，因從來未種過，結果一枝枝花菖慢慢向下彎，於是死就死落雨友佢淋，竟然企番起身，而家我一兩日都照淋。正常化咗啦。

leeleeplant 發表於 2012-2-25 22:50
我就驚過龍，剛買番尼就怕淋死佢，因從來未種過，結果一枝枝花菖慢慢向下彎，於是死就死落雨友佢淋，竟然企 ...

竟然有人種花唔敢淋花@@恕我孤陋寡聞…
咁有冇增添你嘅勇氣，試吓種其他?

起死回生

藍色花，not my flavor，不過每枝都好健康，花又夠多，唔似我果棵，一個花菖開得果一行…

我之前都係年宵買過羽葉薰衣草,我放左係廳中間一個禮拜就枯左...
之前係屋企種既野都枯哂,之前種緊羅勒同薄荷好地地之後無啦啦枯左!
ps樓主棵羽葉薰衣草種得好令

尼種羽葉薰衣草是會生蟲的.

隔離放D驅蟲(草)同食蟲(植物)，俾佢黎個自相矛盾~

尋日一場雨，全部又dup哂頭，今日要瓊水。

係…所以早幾日拎左去簷蓬下面避雨，今日先俾佢見番天日XD
因為之前試過多水，最下面d葉一直會枯，睇見都心痛><

davidchan 發表於 2012-2-27 23:12
尼種羽葉薰衣草是會生蟲的.

點解會生蟲??生咩蟲??幾時會生蟲??我仲諗住種tim

是不是水浇多了，太阳晒少了啊？

好抵種, 開咗好多次好靚的花, 同rosemary一樣要疏水的泥, 就唔怕淋水啦

lola 發表於 2012-3-31 06:06
好抵種, 開咗好多次好靚的花, 同rosemary一樣要疏水的泥, 就唔怕淋水啦

好靚呀 有冇洛肥??點種到咁多花蕾點先會開花??

可能是天氣和水
第一轉天氣轉涼好多花開了
第二轉超凍, 少水開唔到花
第三轉天氣涼又開好多花, 如相片
第三轉花未謝, 第四轉花蕾出緊

好像天氣温暖, 太潮濕, 少水和超凍都不太理想....我每月落六粒有機肥