本帖最後由 Karine 於 2012-2-3 12:56 編輯
我同意响政策上面落手, 這是政府的責任, 人民為何不滿 ? 如果個個生活得舒舒服, 誰會做無聊的抗爭 ?
講真, 除了香港, 還有其他國家係可以响當地本土出世, 便可以申請居留權既, 例如 : USA 所以我地香港人都會有機會去人地既國家做雙非人, 因為覺得香港生活環境差的, 大有人在, 多一個國藉, 比多一個方向下一代去發展, 邊個父母唔想啫 ~但唔多人會咁做, 因為實際地生活是一個很大的問題, 當地政府批 VISA 都好嚴謹.
本來香港同國內一家親, 香港人與內地人的婚姻、工作都接觸緊密, 國內亦是我們的祖藉原屬地, 係好順理成章互助互愛, 交流頻繁既
但基於回歸前大家居住地不相同, 教育, 生活, 思想模式都不同, 文化差異的確很大, 我們的政制是跟外國, 比較自由開放, 國內是共產政府, 近似家長式管理, 所以人民素質不一樣,相處時的確會有很大的磨擦, 但這不是我們不滿雙非人在港產子的最大因素
最大原因係
我們香港的醫療設備應付香港人既需要, 已經很不足夠;
我們香港的地土亦不敷應用, 香港地, 地少人已經好多好多,
政府要做人口普查, 人口預算, 以確保本地公民們有足夠的設施同教育來被培育, 唔可以好似第三世界咁天生天來養, 如果要接受外來人口輸入, 有好多可行的正確途徑進行架喎,
例如 :
技術專才移民,
投資移民等等..
父或母是香港人, 然後進行申請, 或預約產子
可供使用, 而不是失驚無神唻生個仔, 唔知乜水既又唻生個仔 , 咁等於打 “柕”波, 出術, 行古惑, 邊有人會滿意 ?
我有次排隊買野, 點知有個太太唔知後面既人排緊隊, 佢响個 COUNTER 前面等, 到我比錢時, 佢一手比左個收銀, 收銀又照收錢喎, 我最前, 我就直接話個收銀 :"服務員呀 ~ 你見到我排緊隊同埋後面有長長既人龍, 你咁收錢法唔多妥當喎”
比緊錢既女人即時發難話: “我唔係唔排隊, 我點知你排緊啫 ?”
我又無話佢, 我要求服務員啫, 我錯在出口話個收銀 ? 佢錯在排錯方向 ? 定收銀員太專注望住 D 錢, 唔知道排隊陣式混亂 ?
所以我同意雙非人在港產子是應該被限制的, 想移民, 行正途, 唔好走法律 “拿”, 如果法律有條”拿”, 應該補左佢, 咁你好、我好、大家好 .
peter : 多謝你的鼓勵
王爺 : 言重了 ! 我只承認我無聊同口水多, 所以我呢 d 人會比唔排隊的太太發難渣 , 我是行先死先型 |