倒手香枝條-(完)

因為粗手粗腳整斷左, 唔想種多盆, 不如送比人囉,

倒手香枝條兩份 (一份頂芽, 一份側芽),

非常易種, 插生, 極難種死

1. lola  (已寄出)
2. babycherry (已寄出)
3. uniform (已寄出)
注意事項：
1. 只限郵寄
2. 郵寄涉及風險, 如有遺失及/或損壞本人恕不負責。
3. 收到枝條後,請在帖中回覆確認。
4. 分享與否，本人有最終的決定權

多謝加分

1. lola (Thanks)

等你分配啦>

2. babycherry

(咩芽都無所謂)

lola 發表於 2011-10-13 12:27
1. lola (Thanks)

等你分配啦>

ok 好的.......

咁我應該今晚收到...

let's pray for 倒手香！

收到!!!!!!!!!!!!!

終於收到, 感謝Karine悉心包裝, 我會小心種他的, 看見他有少許心酸...

lola 發表於 2011-10-21 23:43
終於收到, 感謝Karine悉心包裝, 我會小心種他的, 看見他有少許心酸...

係啦，我見到佢而家個樣都心酸酸咁，究竟佢游左去邊要咁耐先到？

可能去咗第二個花園玩, 遊花園

d 葉已經有四、五塊好似第一張相咁, 由葉邊開始燶喇
本來好多葉既變成咁... 不過頭先睇到佢有一條白色根仔,我再加深d泥, 應該好d呱....................

babycherry 發表於 2011-10-25 22:15
d 葉已經有四、五塊好似第一張相咁, 由葉邊開始燶喇
本來好多葉既變成咁... 不過頭先睇到佢有一條白色根仔, ...

其實可以cut 頂芽（有6片葉足夠插多棵），莖不需要太長，它初回我家時只有4塊葉仔，所以我覺得佢好粗生。

babycherry 發表於 2011-10-25 22:15
d 葉已經有四、五塊好似第一張相咁, 由葉邊開始燶喇
本來好多葉既變成咁... 不過頭先睇到佢有一條白色根仔, ...

講明先, 我種植經驗淺, 我既做法同想法係咁既, 你自已考慮是否參考.

插枝, 因為植物沒有根, 所以佢只靠最下方的小小傷口位吸水, 所以我盡量唔會留莖幹既枝條太長, 因為吸水已經難, 要吸到水又再供應到頂上葉片算是有點難度既動作, 所以我會將佢留大概 6片小葉以便做光合作用, 而莖幹不留太長讓養份水份不消耗太多, 又會放佢响陰陰濕濕既地方, 以利長根, 不將其爆曬

我分享出去時都剪了它, 因為太長不便郵寄,留了中間既莖位, 我隨手插在公司既一盆花上, 唸住由得佢自生自滅, 植物呢, 好得意, 佢生命力非常強, 你睇今日既它 :




見到嗎 ? 我呢棵莖幹長度大概3寸半, 只有2片枯葉, 它竟然在葉的兩個節位長新葉子, 在掙扎求存, 所以我會繼續養佢

以上僅是本人經驗分享, 歡迎交流意見.

不過我咁長入泥係因為佢本來有好幾塊葉,不過燶下一塊燶下一塊,為免影響其他, 燶一半我已經將之剪掉,所以會見到咁長既莖出現。