睇戲的禮儀

今時今日入戲院睇戲既人…
似乎越黎越無禮儀(可能我太古板)
我今日揀個套戲
買飛時已有八成入座率
但係到開埸時都只得一半觀眾
直至套戲做左十零分鐘
人影先係我眼前坐定定
其間…有人不斷大聲評論套戲既內容
坐我隔離個肥妹不斷撥扇
佢撥扇唔緊要
但係佢撥得太勁凍襯我
唉…記得細路仔睇戲時
要準時入場…唔俾講野…
行黎行去同講野都會俾大人話…
因為會影響其他專心睇戲既人
就今日所見…而家睇戲既人
越黎越無禮貌?定係我太執著?

我覺得係越黎越無禮貌D人..
睇戲都事少啦..
搭巴士先攞命..
大聲講野..傾電話勁嘈..打鼻鼾..除鞋..剪指甲..
真係乜都有..

算吧啦..................

我冧睇吓睇咩戲咯！

笑片唔通都唔俾笑出聲？

我試過同班鬼仔睇戲~~
您試下去又一城放學時間去睇外國戲呀（又一城附近間國際學校d學生好中意去又一城睇戲)，你會知咩先系皇道~~
同佢地睇MR.Bean, 爆操(心中)多過笑

gunbuster363 發表於 2011-11-20 01:23
算吧啦..................

所以除左動作片之外...
少不免我都唔會入戲院...
因為動作片真係要睇大銀幕先好睇...
談情說愛/劇情為主打個類會留番係屋企睇...
因為我覺得呢類戲係要好專注既情緒...
先真真正正享受到睇電影既樂趣...

八王爺 發表於 2011-11-20 09:33
我冧睇吓睇咩戲咯！

笑片唔通都唔俾笑出聲？

當然唔係講緊哄堂大笑大哭既情況啦...
如果一大班人都做緊相同既野時...
就唔構成騷擾他人既情形出現...

marcolmh929 發表於 2011-11-20 11:23
我試過同班鬼仔睇戲~~
您試下去又一城放學時間去睇外國戲呀（又一城附近間國際學校d學生好中意去又一城睇戲 ...

我有一個小朋友...
都有帶小朋友去睇戲既經驗...
同佢睇卡通片時...
在場好多小朋友會大聲問問題...
無厘啦肺咁突然間有人叫有人笑...
呢類情況反而唔覺得係騷擾...
有時仲覺得幾攪笑添...
因為佢地係小朋友...
小朋友未有自制能力...
反應係黎得直接/自然...
但係呢類反應發自青年人或年紀更大既人...
我會視為係無禮貌...

曾記何時同一個中學同學去睇戲,,
因為套戲佢之前睇左,,,,所以入到去佢勁大聲講劇情,,,唔知佢發咩神經= =,,,
我而經叫佢唔好嘈佢都仲講,,,,連前面D人都望埋上黎,,,真係勁汗

所以我講咗, 睇吓喺睇咩戲。

我同意，不過都要睇下係邊間戲院。我既經驗係，去IFC PALACE睇就好地地，去LANGHAM PLACE睇就離奇地多人傾偈。

我通常睇早場, 比較少人無厘頭嘈.
試過睇d 情節片, 後面阿姐係咁講故, 好似自己屋企睇電視傾偈一樣, 俾我"啤"完都唔停, 我惟有"薯"佢, 佢居然大大聲鬧我: 我係鍾意講呀, 吹咩, 我係無禮貌, 又點....  
好攪笑, 成排人不約而同一齊恐啤佢, 佢先死死氣收聲~
其實乜野年代都有無禮貌的人, 唔會話家下多左還是少左, 我地小時候可能無留意, 因為都有家人睇實.
成長了, 可能對道德標準唔同左, 所以會留意, 會奇怪點解家下d人咁咁咁...

講開禮儀, 呢樣係身教, 也要看當地文化.
上星期看香港公開羽毛球大賽, 呢個係世界性高級賽事, 今年由e館轉左去紅館舉行.
平常所有羽毛球大賽, 都唔俾閃燈拍照, 因為閃燈會好影響球員和judges 的視線, 攪到睇唔到個波. 以前 e 館執得好嚴, 可能因為十幾年都在 e 館攪, e 館好有準備.
今年轉左去紅館, 就大煲喇, 在場食蕉習慣concert 唔捉拍攝, 唔知運動比賽的manner, 加上紅館在火車站側, 今年多左好多內地觀眾, 佢地更加... 唉~
每分鐘閃幾十下, 我做觀眾都嫌辛苦, 好友係lines judge, 佢响球場用面部表情告訴我, 佢對眼好辛苦, 有球員(包括林丹)都和教練抱怨: 好閃!
跟住我好聲好氣提d 食蕉捉人, 頂~ d 食蕉咁答: 唔見有人拍攝喎.
有無攪錯!  我要講埋指定座位個觀眾著乜衫, 個樹有三支炮不停閃, d 食蕉才死死氣去捉人. 我見到那個過份的人, 係一家人, d表情和衣著告訴我, 佢地係內地人囉. 但成個場咁多閃燈, 都唔知捉得邊個好... 唉....

唉~  好唔掂, 今早我就去信羽總投訴~

我記得小時候嫲嫲帶去看大戲，好多阿嬋、阿姐跟著唱。那才要命。有些賣座電影，很多人一看再看。然後就告訴身邊的人劇情接下來會怎樣怎樣......總之就為之氣結。

幾年前我買飛入場睇香港電影節的戲，諗住入得場都係希望專心睇戲的觀眾，點知有人食KFC，有人食壽司(d包裝紙聲好擾人!)，有人食麥當當，仲要唔至一場係咁... 而最激氣係有人傾電話 ... !!!

題外話，有次睇舞台劇有人手機響起，大半場人即刻BEAR住佢，佢仲接電話係到傾！知唔知醜架

唉!
就係有太多聲大夾惡又冇禮貌的國內同胞侵佔咗香港

"早前巴士站排隊打尖果兩個老人家... 打尖不特止仲要理直氣壯咁鬧人... "
呢個情況差唔多每日都見,由超市排隊到去厠所排隊佢哋都鍾意打尖,
一俾人篤穿"建議"佢去後面的龍尾,就話一早就排喺喥然後就理直氣壯不停大大聲咁鬧人..

而家想揾間餐廳靜靜地食餐飯都好難!
周圍啲人都係用普通話同唔正的廣東話高談濶論~
反而去啲冇國內同胞肯去的食肆(即係唔係出咗名或者旺區嗰啲,又或者去屋邨大排檔)仲有得靜靜地食餐飯

牛奶香 發表於 2011-11-26 20:28
幾年前我買飛入場睇香港電影節的戲，諗住入得場都係希望專心睇戲的觀眾，點知有人食KFC，有人食壽司(d包裝 ...

jellyfishy: 我都想專心睇戲, 但係佢地食d野都係好大陣味, 而且會有聲呀(袋 ... 摷食物聲)

牛奶香 發表於 2011-11-26 20:28
幾年前我買飛入場睇香港電影節的戲，諗住入得場都係希望專心睇戲的觀眾，點知有人食KFC，有人食壽司(d包裝 ...

我自己睇戲最深刻印象有2單, 咁啱就係同食有關~

第1單
開場無耐, e, 乜咁大陣咖哩味既?? 睇真d, 原來係前1行有人食緊咖哩飯喎.

第2單
開場無耐, 旁邊果位女士開始攞d壽司出嚟食, 食仲不特止, 仲好有心機用盒蓋整埋d豉油, wasabi出嚟點, 响咁黑既環境真係辛苦晒.

其實睇戲之前無時間食野, 買d野入場食我覺得可以接受, 但買d咩食都係考慮一下其他人既感受囉. 始終戲院都係一間房, 你食d濃味既野其他人都會聞到, 同埋應該揀d方便, 可以快d食完既野, 盡量減少發出噪音, 畢竟你入場係為咗睇戲而唔係食野囉.

牛奶香 發表於 2011-11-28 10:47
jellyfishy: 我都想專心睇戲, 但係佢地食d野都係好大陣味, 而且會有聲呀(袋 ... 摷食物聲)   ...

戲院賣的爆谷都好香架～　熱狗都好香～　呢ｄ好難免～　特別係兩三粒鐘的戲，飲飲食食在所難免，其實夠自律唔食出聲都ｏｋ既～　

LLGG 發表於 2011-11-28 10:59
我自己睇戲最深刻印象有2單, 咁啱就係同食有關~

第1單

咖哩，又好似過份左ｄ～　我諗如果我坐佢地後面，會撞下佢地椅，等佢地倒瀉～　哈哈～～　我好黑心～

戲院的食物太貴喇，我一般都唔捨得响入面買食，會偷運．但最多只會食 M 記包包，未睇完trailer已經食完 lu~  

講開又講，當年响IFC睇無間道前傳，個次有人請食爆谷，嗱～　今次好乖响戲院內買食物架～　
我好開心拿一大桶爆谷睇戲，去到一個好恐怖既位，我嚇親，成桶爆谷向後飛... 係完全向天後方飛散晒．．．．．　真係瘀到爆～　　好彩正排唔算好多人~