蝴蝶蘭莖部不明凹陷

大家好！我有棵蝴蝶蘭，水培左有8個月，一直健康積極生長，生左好多根同一片新葉，新葉都比舊葉大同健康，但前排有日突然發現莖部有個位凹左入去(圖1)，唔係黑色又唔似莖腐，然後就慢慢發展成圖2咁，開始變黃、枯萎，最後死亡。我百思不得其解，想請教各位高手，不勝感激！
P.S.一路比心機養左咁耐，一日日望住佢成長，突然就咁無左，果種心痛真係試過先明。

圖1

圖2

已經養了八個月，正常是無問題，但突然死亡，看似是中菌，黃葉底部都似有水積狀，原因可能是被昆蟲咬了有傷口導致，中菌會在數日間感染全株。

非常感謝大大回覆，你說得很有道理，我也在想，如果植株本身無傷口細菌應該也無從入侵？我都有小心無比葉心／葉之間積水，但都防不勝防，有點灰心...

呢棵係花墟廉價買入花後蘭頭，以為成功拯救到佢，結果都係失敗。

VJC 發表於 2023-12-13 15:49
非常感謝大大回覆，你說得很有道理，我也在想，如果植株本身無傷口細菌應該也無從入侵？我都有小心無比葉心 ...

有時啲嘢真係好難講，要枯真係可以好快，有時都未必知原因架！
再買過啦！仲有好多花花等緊你出手帶佢地返去！

小雷子 發表於 2023-12-13 21:54
有時啲嘢真係好難講，要枯真係可以好快，有時都未必知原因架！
再買過啦！仲有好多花花等緊你出手帶佢地 ...

花事也被你看透了

我只是覺得只用水養是不足夠的
我就會買一啲靚嘅水台去養
我都是買那些地下的蘭花頭
但我預先清理所有舊的水台
用新鮮買的去栽種

小雷子 發表於 2023-12-13 21:54
有時啲嘢真係好難講，要枯真係可以好快，有時都未必知原因架！
再買過啦！仲有好多花花等緊你出手帶佢地 ...

前輩，多謝你鼓勵！我一定會繼續努力，唔會（都唔捨得）放棄！

babyjon 發表於 2023-12-19 23:31
我只是覺得只用水養是不足夠的
我就會買一啲靚嘅水台去養
我都是買那些地下的蘭花頭

好多謝你經驗之談。

我都係上網見好多人水培，都很成功，所以都試試。而家手頭也水培了另外兩棵蝴蝶蘭接近一年（舊年新年年花），其中一棵長花芽了。

VJC 發表於 2023-12-22 16:59
前輩，多謝你鼓勵！我一定會繼續努力，唔會（都唔捨得）放棄！

我都係玩水培蘭花架，大家可以互相交流喎！

小雷子 發表於 2023-12-22 22:13
我都係玩水培蘭花架，大家可以互相交流喎！

好呀好呀！ 不過我係新手，要前輩多多指教就真。

前輩水培左幾多年？除左水培蝴蝶都有水培其他蘭花嗎？

VJC 發表於 2023-12-26 14:35
好呀好呀！ 不過我係新手，要前輩多多指教就真。

前輩水培左幾多年？除左水培蝴蝶都有水培其他蘭花嗎 ...

水培都玩左幾年，有蝴蝶蘭，文心蘭，春石斛，卡特蘭！我覺得水培都要睇棵蘭花適唔適應，如果適應水培的話，好易照顧，唔洗特別理佢已經生得好好！

小雷子 發表於 2023-12-27 14:57
水培都玩左幾年，有蝴蝶蘭，文心蘭，春石斛，卡特蘭！我覺得水培都要睇棵蘭花適唔適應，如果適應水培的話 ...

前輩果然經驗豐富！我就淨係水培緊2棵蝴蝶同1棵秋石斛  

哇，你呢棵好壯喎，目測超過12塊葉！我估佢一定好鍾意水培喇

種左幾耐先生到咁多塊葉呢？

水培我鍾意睇佢啲根，乾左嗰陣根尖好似翡翠，其他部分就銀綠色微微閃閃發光，好靚