點解女仕們多數驚蟑螂

今早突然聽到女同事在洗手間驚呼狂叫,
原來是有隻蟑螂在廁所,
在我看來, 踏扁丟掉就是, 為何會驚成咁, 花容失色, 面青唇白.
不過, 發覺很多女性都是這樣, 甚至男性朋友都會咁,
點解?
在昆蟲來說, 蟑螂不會咬人, 無毒, 樣子不算恐怖, 相反, 比起毛蟲來說, 它算靚仔了.
點解會怕成咁?
請有同樣情況的網友說說感受好嗎, 或者可以幫你們解決這心魔.

為著清楚曱甴 可怕之處,  請網友登入下列連結, , 在恐懼原因欄, 誠實的填上原因,
例如怕它會飛入口, 有腳毛, 跑得快等等..., 有可能填完之後, 心魔也解除了.

https://spreadsheets.google.com/ ... amp;authkey=CPPIpyU

因為想有人保護佢～～

因為d蟑螂會飛

毛蟲移動速度有限，而且曱甴係生活中見到最大隻的昆蟲

話說細個時住公屋訓上格床, 每當風雨前夕, d飛強就會群體出動, 失驚無神係你附近飛黎飛去, 而你又係個俠小空間, 你可以點, 有時仲會冷到去你塊面度 , 雖然話佢傷害唔到你, 但係就係個弱小心靈度留下咗個不可磨滅既烙印 佢直頭係我克星

係呀，曱甴好似令舍唔怕人 ... 細細個時夏天大家都着短牛，有個鄰居俾隻 "鹹濕"曱甴 整到喊~

又有一次, 我攪緊衛生(通常都係我做), 我打開個桶, 成桶大小強好似Volcano explosion咁你明喇

jellyfishy 發表於 2011-6-17 14:41
因為想有人保護佢～～

嘩! 睇唔出水母外剛內柔, 老實講, 我就怕水母多的.

你們都未講出究竟驚 D 乜?

不算突然出現的情況, 直情離遠見到都運路行.

有次在巴士看報紙的時候(這是我答巴士的指定動作)
隔離那位美女抓實我手臂, 挨過來, 我自已知自已事, 無可能有這種艷褔的
原來是有隻蟑螂仔在窗邊爬, 我用紙巾幫佢捉左, 握著直到下車才可以掉.
在我捉左之後佢距離我尺幾遠坐,
怕蟑螂還是怕我?
但我就整個車程無得睇報紙!!

嘩...佢超樣衰+肉酸
仲好污穢.....
還有佢既腳有勾好核突
加埋父母在我們小時候形容它有幾可怕
久而久之....就習慣了的"怕"

”腳有勾好核突”
佢爬上身個下，真係毛管揀～　
試過一次，以後唔俾佢埋身！

城市人多是被母親影響吧,又不見落後地區女性害怕蟑螂?

jellyfishy 發表於 2011-6-17 15:18
”腳有勾好核突”
佢爬上身個下，真係毛管揀～　
試過一次，以後唔俾佢埋身！  ...

到目前為止, 都只是講出它是樣子不討好, 直頭令人討厭的,
但是點解會覺得佢恐怖??

其實曱甴都唔係好得人驚，不過我真係唔知點整死佢好呀，要處理佢o既濕屍真係好反胃，所以我會打暈佢，保全佢全屍，再執走，但係難度就高咗成 n 倍

孖吉 發表於 2011-6-17 15:32
其實曱甴都唔係好得人驚，不過我真係唔知點整死佢好呀，要處理佢o既濕屍真係好反胃，所以我會打暈佢，保全 ...

真係好難!!
一棍漚落去, 只是要佢暈, 唔好死著, 更加唔好醒著....

我覺得...我係比人教出黎要驚佢既....

細個...時我唔驚架....因為我媽唔驚....佢會徒手捉左掉出窗....

我亦記得...我做日本料理時....係個日本人面前...徒手捉過一隻...細種淺色既....嚇到個日本男面都變晒色..

因為我仲要招呼佢食野....(如果係依家..我會搵另一個同事幫佢...因為佢對我隻手有陰影...果時唔識體貼人)


但依家...見到會E嘩鬼叫...即係入房關門....(不過我見到蜜蜂都係咁喎....)


或者...我係怕會飛既野多D...因為會飛埋黎爬係身上....

題外話︰
今日係FB見到個人貼係WALL度...話..唔比水佢飲..唔比野佢食..你估佢幾耐先死呢...
個女仔捉左隻小強係樽....話小強嚇佢...所以困住佢見佢幾時死...

真係好攪笑......都算係報服喎....

細個生活環境唔好，接觸好多蛇蟲鼠蟻，造就了我不怕它們（除了成千上萬的蟻，而蛇就見到保持距離啦）。

我個仔起初都怕曱甴，我打佢時就同呀仔講你大隻過佢咁多，一野就整死佢啦，而家佢見到曱甴就自動走去消滅，不過事後工作又幾核凸。反而未見過的壁虎他就有D驚，我要慢慢教育。

所以我想其他怕曱甴的人可能細個時身邊的人或事給予"曱甴是可怕的東西"而影響咗（我亞媽都系唔怕的）。

曱甴同所有昆蟲我都驚,我都唔知點解會驚...總之一見到就會大叫跟住九秒九走...最怕係佢地總會向自己衝埋嚟...

曱甴d腳好恐怖...話說我樓下兩層有個專執垃圾返屋企儲的阿婆...佢屋企就好多曱甴,有次響佢屋企個平台直爬入我張床(我覺得係響佢屋企嚟的)...跟住我響房睇電視就發現張毛巾被有個位又凍又拮腳...一揭開張被...omg...跟住房就以後都唔開窗了....

cklife 發表於 2011-6-17 15:47
我覺得...我係比人教出黎要驚佢既....

細個...時我唔驚架....因為我媽唔驚....佢會徒手捉左掉出窗....

算唔算虐待?
比我見多一眼都眼怨!
小時間. 見亞媽都係一手捉隻蟑螂拋入馬桶. 但家中由亞哥至細佬個個都怕. 唔知係唔係兄弟妹之間的影響?

dachjoey 發表於 2011-6-17 15:57
曱甴同所有昆蟲我都驚,我都唔知點解會驚...總之一見到就會大叫跟住九秒九走...最怕係佢地總會向自己衝埋嚟. ...

係bor,一言驚醒...下次大叫搵隻手掩住個咀先...如果唔係...

giveupaguy 發表於 2011-6-17 16:06
算唔算虐待?
比我見多一眼都眼怨!
小時間. 見亞媽都係一手捉隻蟑螂拋入馬桶. 但家中由亞哥至細佬個個都 ...

我細佬成日話唔驚,但響廳有小強,佢就第一個返入房閂門 =.="