回復 Kinawong 的帖子
copy自花園仔老師回覆:
大家好
甜椒體本地係比較難種嘅!
最大原因係選擇嘅種籽大多唔適合本地生長,
抗病能力弱導至發育唔完全, 結果就有目共睹嘞!
近來就算有小寶及其他壇友例如 jky 等雖然出到椒,
但都係失敗之作而已, 原因係所出椒都唔夠原版本(體積)嘅1/3,
結果數量更加少得可憐呢!
點知植株O唔OK, 大可以從葉子顏色大小及葉柄長短黎判斷,
葉子顏色無光澤甚至有明斑暗點, 葉子窄長, 葉柄長大....
呢棵嘢肯定生理唔健全, 叻曬都有數囉!
能否結出正常(多果及體積大小)果實?
有冇計種到又大又多又靚嘅椒椒呢?
梗係有啦! 當然要從選擇嘅種籽方向開始啦,
最佳方法就係到街市買啲最 cheap 最大堆,
又老又大隻嘅本地種椒椒入手嘞, 食椒挖種籽囉!
其餘種植方法就各自修行洛, 最重要係先將植株種得健康強壯先....
所以奉勸各位如果冇咩經驗都係種下指天椒開始算囉~
我上上季d椒都係開花多過結果,仲要k形的~ |