雙觸 - 本地皮草

哩棵嘢已經唔知係第幾代。不過，我就第一次種，係阿媽留俾我嘅。
廿幾年前同阿媽行山，唔知乜山，見到有些好像非洲紫羅蘭的小植物在蔭下的山坡上。
開著管狀的花。於是阿媽發出C9精神，好努力咁保存一片葉，帶回家插水。
後來，又攞咗番佢 office 種，都種出花黎。

歲月如梭，過咗好多年，佢都分咗俾唔少人，不過聽聞好少人種得到開花，可能怕熱。
咁多年，我都無種過，舊年去探阿媽，我就係佢處帶咗棵苗回家，估唔到種咗9個月，出花苞。

哩雙花苞都生咗成個月，越來越長，好以觸鬚咁，唔知幾時開呢？

有意義的一棵花, 阿媽傳畀個仔, 如果無名可以叫佢做王家皮草都唔錯

比個全身照睇下啦, 可以種得咁多年嘅植物真喺要好好保存佢, 開花再貼喎, 得閒同囡囡行山記得放翻幾隻上去呀!

我同兩个女行太平山，都見到好多，附在石壁上，所以無人摘到嘅！
放心，这个應該不會絕種。
你有冇兴趣试吓種？

多謝先, 我唔要皮草嘞, 迷岩都冇位種, 太迫嘞!

咁快啲搬大屋。
迷岩咁細都話無位，真係種咗幾百棵呀？

哈哈! 你估你啊女砌 lego 咩, 話咁易,我個花架得幾層, 老早爆滿啦!不過夏天黎緊, 會死一d嫁啦!

可能係好普遍的Chirita sinensis, 一D都唔稀罕. 我每次行山都會係陰涼的地方見到佢, 呢種好多變異, 有D個體D班好靚, 下次要識揀啦

開出來了。


最平凡的淡紫色，喉部有黃斑。

花苞本來 白雪雪好肥，開出來卻是淡淡的紫。

白肚皮


淡紫花冠

很清淡的一朵本地皮草。

sammy 發表於 2010-5-28 21:42
可能係好普遍的Chirita sinensis, 一D都唔稀罕. 我每次行山都會係陰涼的地方見到佢, 呢種好多變異, 有D個體 ...

請問要行邊個山先搵到佢呢~~~~
好想帶佢返屋企~~

Scar 發表於 2011-3-19 12:04
請問要行邊個山先搵到佢呢~~~~
好想帶佢返屋企~~

有流水的地方