Hello 大家好! 新丁疑難: 花生麩水

大家好! 好開心發現左呢個website. 嘩!原來有咁多志同道合的人. 太好啦!! 我係新丁一名, 請大家多多指教!!

話說我去參加一個盆栽蔬菜班, 帶左一堆菜苗返屋之後......唉......就一發不可收拾啦！

我有個難題 (除左有好多野都想種但又唔可以變大D地方之外), 就係上堂notes 話要用5%花生麩水. 阿sir話浸3日的花生麩水唔會有味, 但唔知點解我個D就好大味.  正常嗎?
我怕D鄰居會投訢(因為我個天台係同其他戶相連). 有其他有機肥可代替花生麩水嗎?  我依家主要種緊菜.

有勞大家指點!  Thank you!!

請問你响邊度參加盆栽蔬菜班??

花生麩浸水係一定有味嘅! 而且仲好嗅0忝! 我浸過一次之後都唔敢再浸喇! 攞出嚟用時嗅到樓下都聞到.
花生麩係氮肥, 所以可改用氮肥肥料, 例如 : 魚肥, 炭灰, 又或者市面有隻"翠筠有機菜肥", 但比較貴少少(約$28-30/kg), 效果差唔多, 但就好方便同乾淨.
疏菜除了住要氮肥外, 也要少量其他的肥料會健康啲, 間段加啲"豐收一號"(有齊氮,鉀,磷)喇!

一於去買有機菜肥!我樓下就有賣, 慳番D去花墟既車錢可能同用花生麩差唔多添, 太好啦!!

我係去工聯會既班

花生麩水一定大味呀, 夏天個陣仲勁添, 你不如就咁落仲好啦。
或者你買啲雞屎肥啦, 起碼無咁勁~

我兩個星期前用一公升樽浸了一樽，花生麩和水的比例是1:3，太濃了嗎？
其怪的是它不算太臭，何解？
如果我在倒一些出來用後，再在樽內加回清水浸，會不會影響其發酵？

太陽神 發表於 2011-1-10 20:47
我兩個星期前用一公升樽浸了一樽，花生麩和水的比例是1:3，太濃了嗎？
其怪的是它不算太臭，何解？
如果我 ...

我浸時都好似你咁講...點解我浸既唔臭既?...但過左一個月之後...好臭....好臭....

回復 cklife 的帖子

那我就要做好心理準備了。

教你屋企浸麩水!?
認真大整蠱........

owlcyr 發表於 2011-3-2 15:57
教你屋企浸麩水!?
認真大整蠱........

x2,你鄰居多得你唔少!

我浸個d都好臭，成日比亞媽罵
我用水樽浸，之前試過爆樽tim，小心d ar

我想請問下..如果有d "憶"左既花生,可唔可以打成碎碎再直接加水呢??
因為無榨過油,會唔會油左d呢??

and 花生麩水再加清水，會不會影響其發酵呢??

其實黃SIR的意思, 是要用最靚的花生麩浸水。即係三兄果D先會3日唔臭

我都浸左好多花生麩水、係一定有味
同糞水一樣

其實有味OK呀！
咁至有農村 feel 呀

我覺得花生麩d味幾好,唔知浸水會變臭
我浸咗一個星期嘅花生麩水,依家唔敢打開添﹃