回復 12# cklife
睇黎你都是睇開中醫, 我就自小睇西醫, 所以一路都冇戒口習慣
不過可能自己運動唔夠, 所以呢兩年好似體質都差左d, 舊年冬天仲試過有敏感咳, 一咳就唔停得個種, 好辛苦, 所以唯有一開始覺喉嚨痕or鼻癢癢就要啪粒敏感藥至止得住
遲少少, 我打算打番羽毛球, 操番好d個身體, 應該都會有幫助既……
其實我都有食靈芝膠囊, 不過就跟suggested 份量減半, 因覺得燥, 反而沙參玉竹煲雪耳/煲泥秋, 我就耐唔中都有煲, 可能再煲密d飲, 試下有冇幫助啦, 照你既講法, 煲海底椰都應該ok播, 是嗎?
我好鍾意你個八爪魚理論, 亦都好想可以一次過"鐘佢一野"就搞掂哂, 不過如果我唔戒口, 睇黎就要靠加強自己免疫能力黎改善喇
昨日上網搵到資料, 話用一茶匙蜜糖+一茶匙蘋果醋混入半杯暖水中飲(飯後), 都可防治感冒, 所以我又開始試下, 反正已買左蘋果醋, 試試亦無妨~ |