香港政府 漁護處公然虐狗致吐血。現場留下一條血痕！

點解可以咁殘忍,同佢D電視宣傳完全相反
漁護處公然虐狗致吐血

事發地點：天水圍銀座廣場，兩隻唐狗年多都一直是露天茶餐廳給予食物，和一眾食客感情要好。
時間：2010年7月18日晚上9時多。

現場所見,狗隻全無反抗。眾人要求漁護處人員放開狗集，漁護處人員還故意將頸圈索得更緊及拖行十尺留下一條血痕，狗隻不停吐血！

眾人要求先將狗隻給獸醫診治但不被理會。有市民報警求助。警察到場第一時間不是找報案人而是先和遠處漁農處其他人員打招呼，然後才一起過來現場。最後拉散人群。現場數十人沒有人被要求做證人。最後兩架AM車絕塵已去，並沒有留給報案人任何報案號碼及資料。

冷血金句: 鄺生春："流血係正常嘅,無問題！"
囂張金句: 鄺生春："我地喺AM車，同警察一樣，你地鍾意可以抄底車牌"

唉，呢排唔知係咪要交數
最緊要捉得多，以狗頭計，不論生死

唉，呢排唔知係咪要交數
最緊要捉得多，以狗頭計，不論生死
prodorothyhkg 發表於 2010-7-19 17:27

秦始皇年代

唉!!!睇完條片....真係想制止佢哋....唔好阻止我
有d人唔鍾意狗,或者驚狗,會叫人捉走d流浪狗,佢哋被捉三日內無人認領,就會人道毁滅!
我以前成日想~~點解狗狗除了俾人養,就無其他生存空間,我覺得個世界好怪~~
個地球所有嘢都俾人類控制住,我細個嘅時候,都見過d小朋友用石頭掟d流浪狗!!d父母都無制止到.

我細個嘅時候,都見過d小朋友用石頭掟d流浪狗!!d父母都無制止到.
金剛 發表於 2010-7-19 19:47

我都見過小朋友哈流浪狗,佢地父母又唔知搞乜唔阻止,應該係因為教育不足

又是這類有尾無頭的影片-_-
無法清楚知道整件事的始末......
完全單方面,太過主觀
講到底,流浪狗都是因棄養造成
要插都插飼主先......
未輪到漁農處

要插都插飼主先......
milan080320 發表於 2010-7-19 22:36

恕我無知,什麼是"插"?

回復 7# kerorozIL
在這裡的意思指"駡"或"指責"
見到好多居民一味駡漁農處無人道
真正無人道不是他們,而是遺棄牠們的主人
永遠只會將目光集中在眼前,
如果無了三分鐘熱度的主人,早就無流狗,那班吃皇家飯的早就無得撈啦
打政府工的,要捉都捉野外的流浪狗交數,捉完不會被路人駡
捉屋苑內的明顯收到投訴......

希望理解拍這些片一定是冇頭有尾, 因為冇人預知會有事發生, 一定係發生咗事才開始拍

流浪狗問題並不單一是三分鐘熱度而產生的問題, 無三分鐘熱度的主人, 流浪狗問題還是存在

遺棄狗隻當然不值得支持及應被"插", 但不是前人(棄狗者)犯大錯, 後人(漁護署)犯小錯就應該接受

雖然片不是由頭到尾, 相信漁護署的處理手法拍得很清楚, 是不人道

再說, 錯是主人錯, 狗是受害者, 沒有選擇, 捉回去都會被處死, 對快要被處斬的它們有點尊重可以嗎?

明知大大大部份被捉狗隻會難逃一死,但可以對佢地好少少,受少點痛苦

無言﹗
只希望狗狗能少受點痛苦
牠們的主人........

聽到佢地(狗狗)不停咁叫,個心好酸~
自己養狗,有時唔覺意成個人(好夠份量)踩落隻狗手/尾度,仲試過比門夾到條狗尾,佢地都只係慘叫一下,呢d叫咁多聲..........~

我直情唔敢睇落去

唉，呢排唔知係咪要交數
最緊要捉得多，以狗頭計，不論生死
prodorothyhkg 發表於 2010-7-19 17:27

唔講你唔知, 原來漁護署處斬一隻狗要用二千幾蚊

咁你明點點佢地咁鐘意捉狗啦

唔講你唔知, 原來漁護署處斬一隻狗要用二千幾蚊

咁你明點點佢地咁鐘意捉狗啦 ...
比得大帝 發表於 2010-7-20 14:47

我都唔知點講我既感受,我覺得漁護署好賤囉

我唔敢睇,不過睇你地講都大約聯想到,可唔可以告公職人員虐狗呢?
不如開個fb公開佢,等佢地班人受下壓力,唔好咁任意妄為!!!

我都唔知點講我既感受,我覺得漁護署好賤囉
kerorozIL 發表於 2010-7-20 15:34

又唔可以咁講,有流浪狗要捉係佢地既責任~
我住的地方以前有好多野狗,有時聯群結黨都幾得人驚,有不少村民成日比狗追及咬;以前夜歸真係要落車時拎住條大樹枝/行山杖向手,呢2年差唔多捉晒,夜晚返歸同帶狗都安全好多,呢d係佢地既功勞
不過當做戲都要架啦,有咁多人就唔好對隻狗咁殘忍,一方面又要告人虐畜,另一方面又示範點樣虐待

又唔可以咁講,有流浪狗要捉係佢地既責任~
我住的地方以前有好多野狗,有時聯群結黨都幾得人驚,有不少村民成 ...
prodorothyhkg 發表於 2010-7-20 17:12

冇錯

我尋日睇既時候，點擊率仲係 400 幾，而家竟然去到十一幾萬人
希望呢件事可以引起社會各界的留意和反思

香港政府,枯樹壓死人,叫做做樣修剪一下
流浪狗,又沒有咬死人,又怎會重視......