花園仔老師的罐頭理論...

...簡直掂呀！
新手痛苦經驗:
三月尾吽了一箱骨粉花生fu 做基肥泥，上加防蟲網，點知臭足兩星期，
勁多蚊滋仔，泥面仲發毛添。由於放响露台，所以影響埋屋裡面。
上星期終於翻開黎睇，底部骨粉花生fu 位置好多白色蠕蟲呀
一於搵火槍殺過痛快。
罐頭理論... 鄧鄧鄧櫈...
之後再重新用洗衣粉桶吽，仲加埋餘下的骨粉花生fu，蓋到實一實。
三日後，即是今晚，帶住戰戰兢兢的心情打開桶蓋，泥色好靚，氣味稀釋了千倍，
蟲？有！不過係兩條屍浮係泥面，相信佢地係窒息而死。
多謝你啊花園仔老師!!!!好期待遲吓有營養豐富的泥用。

...簡直掂呀！
新手痛苦經驗:
三月尾吽了一箱骨粉花生fu 做基肥泥，上加防蟲網，點知臭足兩星期，
勁多蚊滋 ...
a09chan 發表於 2010-4-16 00:38

三日？乜都未開始啦！

遲 D  (一兩個星期之後) 你就知，啲 厭氧菌 發功的時候你先知乜野叫真係臭呀~

有氧堆肥己經係最淡咖喇~

回復 2# marcuslee


無氧堆肥得唔得架？唔好嚇我啦！
久唔久開蓋散吓氣可唔可行？

回復  marcuslee


無氧堆肥得唔得架？唔好嚇我啦！
久唔久開蓋散吓氣可唔可行？ ...
a09chan 發表於 2010-4-16 00:59

你响園藝館 SEARCH 一吓 "花生麩水"，佢地講果種臭味就係 厭氧菌發酵 的臭味嘞 ...

同埋有氧要用的時間可以短好多(要隔幾日翻吓佢俾佢接觸空氣，咁亦會冇咁臭)，冚理吽起碼要幾個月咖~

多謝你的提示，有睇呀，佢地形容為比CC還要臭，手指千奇晤好掂到～

我想知道現時情況如何 ?

回復 6# 下午茶

基肥泥吽了兩星期，今日打開時無氣味，翻開下面就有淡淡的臭味。

情況仍然令人滿意。係咪你都想整反桶呢？

請問吽肥進展如何，什麼是罐頭理論及如何整?