簡單同天然既肥料...洗米水同埋雞蛋殼~

呢個方法係以前聽收音機聽番黎~

洗米果陣, 洗完既水, 都係白白地色既~
好多時都會就咁倒左佢, 但其實如果識貨...

用黎灌溉植物, 卻係非常好既天然養份~
每日都會煮飯, 咁每日都有米水...



留意下每日用米水淋下...
植物會快高長大同粗莊一D...




另外就係雞蛋殼...
平常煎蛋時, 打破蛋殼, 通常都是掉了便算...
其實大家可以, 打完隻蛋之後, 用水沖沖個蛋殼, 沖乾淨之後...
埋係泥土堆入面, 都係非常好既天然肥料...








自己屋企都種左好多植物,
自從發現左用洗米水同蛋殼之後,
都基本上唔使點施肥...

我都有用洗米水&蛋殼
係有用, 不過又未致於唔使點施肥add12icon

咖啡都得

仲有 d 快速生長既植物....如紫茉莉, 紫蘇葉....做堆肥都一流

還有:
d"立頓"茶包啦,茶葉啦!

我好怕疍壳易區蟲,所以都唔敢用,茶葉渣就有用.夏天種冬瓜就會  D蝦壳做基肥.

我好怕蛋殼易區蟲,所以都唔敢用,茶葉渣就有用.夏天種冬瓜就會  D蝦殼做基肥. ...
小草草 發表於 2010-2-25 08:35

蛋殼要處理過就唔要區蟲:

先洗去蛋白和黃,
然後要脫去緊緊貼著蛋殼那層白色"永"
曬乾或風乾
最後打碎佢地

原來甘樣,但好多工夫,我未必有甘得闲啊,我响餐馆做工,每日都會有大量蛋壳掉左去啊.

原來甘樣,但好多工夫,我未必有甘得閒啊,我響餐館做工,每日都會有大量蛋殼掉左去啊. ...
小草草 發表於 2010-2-25 12:13

無咁多時間呀:

用盆水浸佢地,蛋白及黃一定要洗去
就唔會嘔蟲啦

等我下次試下先,我唔做堆肥,就甘挖个＜ｔａｍ＞埋住区得冇？又或者沟茶葉渣一起埋得唔得啊？我一周可以凑到有一小桶茶渣哇．

玩埋野，除非你玩地種，如果唔係冇乜效益 ... 人地用堆肥做基，都要 1/2 或 者 1/3 堆肥，你諗吓你要埋幾多野先有咁多？如果用盆，臭死你喇~

我家姐屋企前面係停車地, 專登挖幾個洞種樹,

唔洗淋水, 唔洗落肥, 自然生長, 大樹波蘿, "黃皮", "錄油" 等等

但係唔好開心, 大樹波蘿結左果, 係無得食既, 因為自然有人會入屋偷竊

我都有用雞蛋殼做基肥. 好似蛙哥話齋 :
先洗去蛋白和黃,
然後要脫去緊緊貼著蛋殼那層白色"衣"
曬乾或風乾
最後打碎佢地 ( 碎到近乎粉狀) 再用罐仔收好佢~~ 丟一包食物乾燥劑入去, 放響雪櫃入面.

我都係用黎做基肥多~ 我種開花盤,疏水石 > 1寸高泥 > 基肥 : 乜都撈d : 蛋殼, 肉骨粉, 花生麩, 紅牛鉀 , 豆渣.... 每樣都唔需要咁多 > 再放2-3寸泥, 大約2-3星期後就可以用 .
如果就咁放蛋殼響花盤 / 泥上面, 呢d天氣 / 濕度, 無2日就"生機處處" , 虫仔周圍爬喇 ~~
如果有農友種開蕃茄, 我覺得雞蛋殼真係好好, 佢0既鈣質 , 令蕃茄唔會咁易有臍腐病 (爛patpat呀 ...)

我都有叫屋企人留定雞蛋殼比我，因為自己好少煮雞蛋。

玩埋野，除非你玩地種，如果唔係冇乜效益 ... 人地用堆肥做基，都要 1/2 或 者 1/3 堆肥，你諗吓你要埋幾多 ...
marcuslee 發表於 2010-2-25 16:05

我就咁舖嚮泥面
粗生植物葉生得快, 要幾多有幾多
就係用盆種先有效益, 肥都憪返

如果種向日葵, 試過埋左一大堆葉嚮泥入面做基肥, 結果生出黎棵向日葵有 >80cm 高, 用 6" 盆種...

我用茶葉放入盆用泥埋好佢，呢幾日太濕都發霉，仲有好細蚊滋.......真係生機處處........遲D都唔知會唔會有其他虫........

用茶黎淋植物有無用呢?唔知香茅係咪唔受得茶，所以D葉變枯左D。

太濕就好易生野,
加d乾料上去就得

我都有用雞蛋殼做基肥. 好似蛙哥話齋 :
先洗去蛋白和黃,
然後要脫去緊緊貼著蛋殼那層白色"衣"
曬乾或風乾
...
JicJicmom 發表於 2010-2-25 22:55

    咁我留定蛋殼先放入棵蕃茄先, 昨日整蛋糕掉哂呀.....