六百億破壞 - 分享我的高速鐵路意見

導讀

大家發表意見前做左D乜野資料搜集呢?。

地下鐵公司登過一連串廣告，我覺得好沉著又好得体咁解答左民間最主要既疑問。 建意大家有興趣去睇睇，幾簡潔下。 廣告你可以係免費報紙揾到。


尖沙咀

有冇人記得尖沙咀火車站? 同為乜要搬遷?

我本身一早已知柯士甸係開站首選，爸媽果代已知有尖沙咀火車站，返而奇怪尖沙咀作目前三鐵交薈遲左30幾年，足足一整代人浪費左尖沙咀既中樞角色。 今日D新界居民可能真係唔係香港人黎，係新界人，連惡壩既習慣都似抗植民地年代新界人多D，先至幻想將香港交通樞紐遷移至九龍群山以北。

現實係地理上新界北於城市規劃變展上相對深圳一丁点地理優勢也沒有。 目前全新界北既建設都係九龍市區發展既溢滿效應，而近年既私人物業潮係外加左深圳市既溢滿效應。 亦即係話，基本上市區從主，夾在兩大市區中既新界係被動既「溢滿」受益地帶。 市區有預留既建設空間，点都冇理由輪得到新界北。 以事論事，父母輩一般高中學歷已算高，返而傾向理解呢個現實。 部份後生仔連基本地理常識都未能消化。以為選擇題考試合格代表佢地學歷熨金。從今次討論既所謂民間專家幾億就想建成中環至九龍西大橋，到亂以新界北作新址，可以見到佢地係固意痲痺佢地自已常識，意圖逃避現實。


六百億投資貴定平

至於貴定平，大家發表前有冇compare like with like呢? 馬鞍山支綫是市區綫嗎? 大家知道高速鐵路不是一條慢駛的站站停電動車吧!? 高速鐵路係最近似飛機速道既運輸，鐵路總站係最近似機場既設施。 大家撫心自問，諗一諗你有足夠既相關認識去建設性批評呢種基建嗎? 近百年世界各大城市鐵路發展史認識有多深入？ 各地既鐵路發展教訓吸收了多少？ 就算退一萬步，大家想分享鐵路使用者角度意見。 基本D講，世界級大城市大型鐵路站及高速鐵路站，大家最起碼使用得有幾純熟? 從而馮想像角度發表批評香港呢個未起既計劃呢?


見樹不見林的千億數字

單以6百億呢個數字就話太大，我有一D有趣意見分享。 其實大與少係同乜野比較呢? 不只一次我冷不提仿地向「6百億太大」意見者提問，回答係「乜呀，幾百億禍，好大筆錢黎，緊係天文數字啦。」。 部份人不絕引用一D現成數字，幾多醫療網，幾多老人受惠....等下省十幾項。 有趣地，例子往住係社福界項目明細，有人聰明D會計幾多公共房經，但通通係小項開支，我仲未見反對意見提出投資項目做比較。 只貪求今朝醉，逃避長遠承擔，多少都反影部份人的心態。

只見秋毫，不見輿薪。 其實6百億自然話太大，咁同D 80後成日話乜香港住宅「幾千蚊尺太貴」 (同佢架每年換新既iPhone比?)，供樓「成萬蚊個月太貴」(同佢公司樓下$20飯盒比食成年幾兩年?)，又有乜分別? 如果你都想冷靜思考下，不仿睇睇以下提供既比例做參考。

大型項目比較大型項目，我心算中，香港政府每年教育支出大約5百50億。 社會福利及醫療支出每年大約6百80億。 而全港市民人人分9千蚊既話就大約要動用六百億。 究竟6百億夠做D乜投資? 9千蚊夠用幾耐呢?

以高速鐵路計劃3年建成做參考，大約相等於每年投入2百20億計。 同每年合計1千2百億福利及教育支出比數，投資与民生支出比例約 1:5.6 或18%。究竟數字大唔大呢?  回答前請留意，3年高速鐵路係最少以半世紀為目標既投資，惠及一代又一代人。 但每年千幾億福利及教育支出係單純營運花費，而支出每年例牌都上升之中。


百億負担與投資

記唔記得07年有大筆退稅? 果年一個唔小心爆左個千億盈餘出黎。 記唔記得係乜原因? 我觀察係當年股樓成交大升，庫房單計股票市場一年就多收左5百億。我固意唔以佢作財務比較，因為呢個數字同觀察意味深長，可以大有文章。 点解? 公共財政、地緣政治、以至經濟模型點可能唔複雜呢? 簡單講，香港不只以收入比較，定以支出比較，都冇理由懷疑太貴、太大筆錢、定負担不了。

我曾經以西鐵及歐洲及日本既近代地下化鐵路計劃做不科學化心算，比較下結果係目前計劃每公里成本偏低。 如果計劃唔係由世界上其中一開最享譽既鐵路興建承辦商提出，聯同世界上最有名顧問報告，我可能會懷疑起得咁平，會唔會太寒孫架?


不負責任意見

贊成不贊成，都唔係我地小市民控制到。 而因為今次通過不通過我地命運會点演變，完全係未知數。

但大家各自心中都有把尺去量度事情。 大家都可以發表意見，會否比多D度量衡同大家分享呢? 覺唔覺得咁樣討論會有建設牲好多?

我文中完全冇討論應不應，值唔值，賺定蝕.... 呢D唔到將來冇人識馬後炮既野。至此大家應理解我想講既唔係西九龍定錦上路，定贊成與否。 政府千億盈余，你贊成投資增值為將來，定所謂「投放」在各式夂

我比較上在意由所謂既新生代及新新生代所提出意見，首尾不符，東拉西扯，而且一切訢之於情緒。 事實世情有多方面，而且世界上事情有分大小、與專業。 為甚麼成班成輕人自已唔識做簡單心算，但就宣稱相信「幾億誇海大橋」，「幾多老人受惠」意見?  我目前只見攻擊性說話一籮籮，完全見唔到反對派既核心有嘗試回應社會，及同社會對話。 佢地指責別人既不該，但佢地自已就做返相同既作法，仲變本加厲。 比我感覺係呢次係一場侵略性戰争既一步而已，只求勝利，不擇手段。 目的似冲著香港現有社會及生活制度而黎。 佢地唔似滿足於一次議決結果得勝，更擺明不接受民意不站到佢地一面。

社會病子，繼續下去更可能出現病態破壞份子。

以我嘅功力，好小睇一篇文要睇三次，你係第一篇。
當全世界都想搭飛機去中國，而香港响門口搭高鐵，你話慳幾多，幾多錢都要起，唔好慳一文唔見10000000....億。 Do right thing  is the key!
如果 高鐵 定位係基建，就要：
1 -話起就起，起步要快；
2 -幾多錢都要起，如果其中有貪污，官商勾結，遲Ｄ捉都未遲。等你計得清每一毛子，造價又番了一番；
3 -總站係市區，可以的話加一個係新界。如果總站係新界，Ｄ人去得新界，不如去羅湖啦。

用度量衡去討論係好，但流於曲高和寡。我覺得用理性和邏輯分析會大眾Ｄ，不知意下如何？

我亦担心新生代及新新生代的侵略性情緒，會成為病態破壞份子。希望只係年少輕狂，不要被人利用。

一段值得睇既片，有關反對興建高鐵既論點
[梁文道 董啟章 1月15日決戰立法會]
http://www.youtube.com/watch?v=ey0UgRTNrII
http://www.youtube.com/watch?v=g3UICcPUmnk