請教"夜來香"種植法

一星期前買了盆夜來香，每朝醒來都發現有數片黃葉，一到黃昏啲葉就會"the"晒。
我是擺放室外，黃昏時淋水，請教各位，夜來香種植法，及點先唔會出現葉黃、"the"的問題。

求賜教~

suet-08 發表於 2015-4-28 12:02
求賜教~

有相好判斷,
可能是新環境, 未適應

你會唔會淋徵太多太少水？我盆剛回家時也很多黃葉，轉了盆換了泥就好好多

我早，晚淋一次，佢好多花蕾，但夜晚唔見佢開花，同埋呢一，兩日輕輕一掃，花蕾已經跌落了。

不如你睇吓啲泥會唔會過黏，有蟲之類？街買的盆栽有時唔知用咩泥，一開出來亂七八糟，啲根焗到爛晒

另外有時花農為咗快啲有花狂谷肥，買的時候好正，返到來就唔掂～你忍得的話就等佢甩花再生過啦，佢好粗生，成個夏天拍出花，不急在一時

經常聽人講係花農谷肥，返到黎就唔掂，點解唔會懷疑係自己唔懂管理？
花農點解可以種到咁壯咁多花，係因為長久以來種植經驗，知道咩花要咩環境，
要幾多光照，要咩搵度，最盡可以落幾多肥，空氣濕度都睇埋，仲要定期殺菌殺蟲。
一個花場有晒器材條件，自動化管理，一放對環境，植物就生長迅速，生得粗壯，開得花多。
我唔知樓主係做邊行，但斷估都唔係做花農花商，如果唔係就唔需要問呢個問題，應該會種得生。
一個植物外行人，同一個大量生產既花農，邊個識種花？點解會有人經常懷疑花農谷肥落激素？
買返到屋企就唔掂？
如果再係抱持呢種唔覺得係自己唔識種，而係花農一手做成，咁你黎緊種花技術都唔會進步，
以後都係估下估下咁種，時死時唔死，死因係咩都唔知。
唔好怪我語氣重，我講野一向係咁直，但你地未明咩原因就將個錯推0係別人身上，
查實花農一向都係用花好多心血去種花，賺既只係毛利（花商就有可能賺暴利），
仲要去比唔識種花既人用陰謀論，覺得係做左手腳呃個客，買到返屋企就唔得喇，你話幾咁悲哀。
樓上果位如果好清楚樓主棵植物咩問題絕對可以講，但唔清楚唔肯定唔該唔好瀨花農，亦都唔好成日宣揚呢種講法。

我冇話花農唔啱，花農谷肥令花開得多又靚先拎出來賣亦無可厚非，冇人想買少花少果的作物返去，我亦好佩服佢地可以種到啲野咁勁，小小棵果樹十幾個果

我相信呢度的版友九成都係業餘人士，亦唔知花農點操作

只係我喺花店都交過唔少學費，初時會買啲外國返來手掌心咁大盆有十朵迷玫的玫瑰，返到來打理唔到再加天氣不合都會開完花就死，一係出好少花；就算買本地或大陸盆栽都試過一盆辣椒返到來第二三日就死翹翹，打開泥一睇啲根弱到死，最尾救唔返

花農有專業知識同經驗，知道點樣可以令到盆野最靚最多果最好睇，不過一到到業餘新手，因為冇呢啲專業經驗，以一般人種植的方式處理，結果無以為繼，棵野就會虛弱同死，可惜賣花的那個SALES 不是花農，冇專業知識，你問佢點種一定同你講一日淋兩次/一次水，得閒晒啲太陽咁，結果返來就唔掂

講返我自己，我盆夜來香係問版友買，返來都甩咗一星期葉，之後換盆又健壯返，宜家又有好多蕾；至於谷肥，係我親身經驗，我初種玫瑰狂谷肥，結果開咗勁大勁大的一個蕾，可惜之後開唔出，又試過谷完一輪肥，花同果又多又靚，之後植株虛弱不堪，調理咗好多時間。

當然問題出在我唔識種，不過不如講返啲有建設性的話題：咁樓主盆夜來香點救﹖

你認為樓主講果兩句就知咩事？如果盆植物在我家，我自己管理開，自己放咩位置，淋幾多水，通唔通風，施幾多肥，日照如何，如果出事都仲估到大概咩問題。

依家得兩三句，詳細點淋水都無講，你話你知都無人信啦。

對不起，要大家為了我的問題操勞，問題已經解決了，對不起.