蕃茄的葉有白色，請問各位高手如何處理？

如圖，我種的蕃茄仔的葉變白，之前試過剪掉，但新出的葉又會變到現時這樣...請問是否生病或是不夠營養？謝謝~

有無影到成棵的圖,如果只係少量又無發現蟲,其實可不理

潛葉蠅或叫地圖蟲

睇左幾日都無發現有蟲，謝謝喔~

潛葉蠅幼蟲話明潛葉，當然蟲身比較扁潛於葉中，
0係葉中一邊前進一邊啃食，所以會好似畫地圖咁，
由開始好窄身食到好寬身，所以畫出黎條線都會由幼變粗，
最後結蛹蛻變飛走，所以見唔到蟲唔出奇，通常只係見到到佢條啃食路線。

這樣的話，要不要處理？該怎樣處理？謝謝

已成蟲飛走就唔需要理會，不過難保再有潛葉蠅0係葉上產卵，
到時又不停畫畫，預防可以噴藥，如果怕農藥就唯有多留意，
見佢開始畫地圖未飛走前就揀死佢，又或摘走葉片。

應該係白粉病，用農藥預防，
如果見到有，就直接剪走患處。

放大張相睇睇左手邊近葉尖位置，好明顯見到地圖蟲畫過既path

其實我已經把有白色的葉都剪掉，新長出的葉最初是沒有白色的，但過了2-3天左右，又會有變白的現象...
盆蕃茄還有幾棵一齊種，但其他的沒有問題，就只有這棵有問題...
其實我係咪應該整梱移除？謝謝

防蟲就應該噴殺蟲水，如果係之前位師兄講係白粉病就應該噴殺菌水。
如果唔想用化學農藥就試下有機農藥，例如魚藤、苦棟油或煙骨水，
如果唔想用藥就常檢查，一發現早期就揀死佢又或摘走葉片。
呢度好多人介紹噴辣椒水，你可以試試，不過估計效用唔大。
話明係蠅，係會四處飛四處產卵，你放棄呢盆都難保佢唔會再飛去第二盆產卵，
如果唔太嚴重你又可以唔理佢，葉片被啃食最多光合作用差d，如果太嚴重先再決定用藥。

附上一張網上搵到既番茄葉中左潛葉蠅既照片，色比較濃，但你睇似唔似你盆番茄現況？又或者你可以影張葉片大特寫等大家睇清楚d。

ae86hkplants 發表於 2015-3-3 22:37
防蟲就應該噴殺蟲水，如果係之前位師兄講係白粉病就應該噴殺菌水。
如果唔想用化學農藥就試下有機農藥，例 ...

Thanks for Tmm's advice

我盆蕃茄的情況和ae86hkplants相中的不同，因為我前日把有問題的葉都剪了，所以暫時沒有更清楚的相可以提供...若再有些情況，我會影返張相給各位參考。謝謝您們的意見喔