新手種蕃茄仔問題

第一次種茄, 說明書話由播種到收成只須3個月，我播咗種差不多一個月喇，但D苗好似好奀咁，請問呢個size咪正常呢?
同埋而家係咪時候換大盆放出戶外養呢?

我地有4棵出左芽個幾月, 好粗好多葉架喎, 你呢棵睇落un左少少.
有落肥嗎?

我以為換盆先開始要落肥㖭，而家應該落咩肥?

我果棵都係咁   種左個幾月倒得幾塊葉仔 仲要生線蟲/_\其實係咪唔岩季節種  

但秋冬季係適合種蕃茄㗎喎

我剛播了種幾天，有條小苗，都搵緊應該點種

蕃茄極需要大量陽光，唔夠陽光唔單止生長緩慢瘦弱，
最慘既係，就算你用好長時間將佢種大左，
(包裝寫係約3個月，通常係指充分陽光及空間既地方，尤指農田)

佢都唔開花結果，剩係俾葉你睇果下先激死你
所以你要拿拿臨將D 苗仔放係有直射陽光既地方；
以初春至初夏來講，由朝曬到晚都無問題，盛夏既話，就多注意淋水，
否則好易曬到瞓低乾竭→逐步變弱而枯死

另外，如果你而家用緊既泥係新既培養土或科學泥，
暫時唔需要落肥料，等緊長到大約20cm 高再諗落肥料吧，
到時買支高鏻高鉀既液態肥料番來，一個禮拜左右施一次就ok，
盆植既話，都要注意花盆既尺寸，越大就越好，
至少要有直徑20cm、深度25cm或以上。

切記種蕃茄需要大量陽光！