呢棵AV幾年前買, 放喺屋企養, 買返唻時開過一次花後, 完全冇再開過花, 仲要完全唔識大, 又爛根! 之後攞咗返公司約兩個月左右, 便搞到而家咁樣
其實都冇乜特別既心得分享, 因為覺得要種得靚, 就係要有冷氣, 要不然, 捱過夏天後, 到佢開始慢慢生得靚時, 春天都過咗了~
肥料方面, 我係喺高生嗰度買的, 一個字....「掂」
仲有一樣嘢我唔敢肯定, 就係....我啲花擺喺窗邊種, 從10:00 - 2:00 左右, 個位都會俾太陽曬到, 公司係茶色玻璃, 有啲品種係會有輕微過光情況, 但唔嚴重, 而家仲有幾盆都有花冧, 我懷疑係 冷氣+太陽+茶色玻璃+高生肥, 才會有咁既效果~ 其實我種花種得好烏SIR SIR, 又冇特別研突點種會最好, 而家爆到咁, 都只係撞彩咋 |