行街街, 行到渴渴地買支野飲下, 超方便
但係知唔知飲左幾多多餘既糖落肚?
仲有穩定劑, 酸度調節劑, 調味劑, 抗氧化劑, 乳化劑, 抗結劑, 固化植物油....
搞到蜜桃水冇蜜桃, 香蕉奶冇香蕉
連最簡單既綠茶都有色素..
都係買水最搵陣
咁...點解唔自己帶呢?
500ml 黎講, 分2次飲, 一個下午實飲哂
而且環保好多, 因為每日有132噸PET樽被送入堆填區.....
唔想帶水可以有n個理由
1. 好鬼重
就係因為重, 所以唔會唔記得飲水, 搞到自己脫水
老豆次次都話幫我減磅, 其實只係想飲水
2. 好老土囉
加自家料入去即刻惹人羨慕
咖啡, 檸檬蜂蜜, 薄荷, 迷迭香, 菊花, 龍井, 花旗參, 呢d都係我經常沖既料
有個friend日日帶支元肉杞子菊花什麼什麼, 原來係老婆湯
3. 洗樽好麻煩, 個樽會起漬架
所以預備個10蚊既奶樽刷同舊牙刷, 30秒洗好
有油份另計
4. 膠樽用舊左, 會釋放毒素
依家出左不含雙酚A(BPA)既水樽, 仲有飯盒, 食物袋
點都安全過飲色素同香味劑卦
5. 大熱天時梗係要凍飲啦
室溫既飲品, 調節身體溫度已經好有效
覺得唔夠係因為身體話你知: 仲未飲夠啊大佬, 我脫水啦!
6. 我想重用個樽種野
問下朋友啦, 實有人比你
收到一個2手樽, 即係你減少一個膠樽既生產!
肯比你既人唔會睇小你, 當你傻既人肯定唔係環保人士
更多自備水樽原因, 還有撲水地圖
撲水
歡迎建議各式方便又環保既沖飲
如果已經身體力行, 請上圖支持, 透過網絡影響更多朋友
|