簿河葉葉子啡色，怎辨？

簿河葉葉子啡色，怎辨？Thanks

不如你先講講你既種植環境、植料同澆水習慣先, 咁大家會容易D比到意見
初步睇相好似唔夠陽光同水份不夠
薄荷好粗生, 愈搣愈生得多

你好，我上个星期日買回來的 ，只是給了它水和放在露台到，向北的  ,放左第二曰葉就變啡了，，，我好似見到有昆蟲，係咪蟲所致

我搣左 d 啡色，但之後又有，，，

向北, 日出和日落都有陽光直照
一日淋兩次水都唔算多

薄荷鍾意曬太陽, 但同時又勁鍾意飲水, 一唔夠水就會謝晒, 不過一加返水又會精神返(當然最好早晚先加水);
如果夏天烈日當空, 要注意遮陰, 放在通風處, 否則兩野又會謝晒;
如果日照不足, 一樣會生長, 但會生得慢、枝條較長較幼、葉變黃變細...
薄荷好少虫害, 反而泥濕蚊滋可能會比較多, 加返多D沙落泥會有D幫助;
偶然都會發現一D衰退左既葉, 唔係太多的話應該都屬正常,
搣左去或將枝條大半部份完全搣走, 好快又會生過...
你既情況可以再觀察多少少時間, 始終植物剛到新居都要適應一下, 留意水份和通風比較重要, 至於有無虫就要你自己去捉虫搵搵啦, 特別留意葉底同新芽。
(以上係我自己種薄荷的經驗, 希望幫到你啦)

唉！我盆簿荷郁攪成咁，底生的全是黄葉，好心痛

If there are brown leaves (but not rusty), just remove those leaves.  But if there are rusty stains, you have to cut the whole steam, as that means there are virus infection.  To kill the virus, you can spray chilli and garlic water.  Hope that will help.

You need to place the mint facing East if possible.  Water it once a day or once every two day if it is not too hot.  When you water mint, make sure that the soil are being watered thoroughly.  Once every half year, put some fertiliser into the pot as well to help the leaves to regrow in a quicker pace.  

Good luck and enjoy.

lameloise 謝謝你的分享

skypower 發表於 2014-5-21 16:51
唉！我盆簿荷郁攪成咁，底生的全是黄葉，好心痛

你有冇拎起盆薄荷覺得"輕星星"咁呢?  似唔夠水就會軟晒, 淋番水就冇事啦!   你可留意吓擺放位置係咪好夠陽光, 只要水份夠 (唔係浸住水嗰種)  佢好受得曬, 我嗰d擺向户外西面就每日俾水都冇問題.

mini830 發表於 2014-5-13 11:14
你好，我上个星期日買回來的 ，只是給了它水和放在露台到，向北的  ,放左第二曰葉就變啡了，，，我好似見到 ...

露台向北應該唔係好晒  (陽光唔多), 加上有蟲蟲出現我估係太濕啦!  你留意佢唔好拎起"輕星星"而棵植物又軟晒~~~唔夠水, 你宜家試吓唔俾水佢2-3日,  唔好俾個盆水滴滴, 等乾d至俾水, 真係唔一定要日日俾水架.

thank you so much for the suggestion  .

mini830 發表於 2014-5-13 11:14
你好，我上个星期日買回來的 ，只是給了它水和放在露台到，向北的  ,放左第二曰葉就變啡了，，，我好似見到 ...

有時買回來的，根糸好多時都長到成個盆都係，需要換盆加泥的，我見你d葉好似受感染喎，不過！薄荷好粗生，只要光照足通風好，真係唔易C，你依架可以搣咗d有問題嘅葉，佢會重生長過的~一般植物都係泥稍为乾先淋水，好多時淋得水多，d植物爛根問题就衍生！但薄荷d根好多係走徑嚟唔易爛拫……

我早兩個月都遇過呢類問題, 好似一塊傳染一塊咁, 啡色一撻, 之後成塊葉枯左,  甩到剩一枝莖,  於是把心一橫剪左佢, 只留底泥面幾吋的莖, 由佢重新長葉, 宜家又無事囉, 薄荷實在好粗生.

但水對佢真係好重要, 前兩日好熱但無淋水, 即 dup.  尋晚拿拿聲補水, 今朝又挺返起.

謝謝各位分享，佢而家好 d  la, 但佢好似只係識生 高唔密，有咩辦法令佢密番？

mini830 發表於 2014-5-27 08:58
謝謝各位分享，佢而家好 d  la, 但佢好似只係識生 高唔密，有咩辦法令佢密番？ ...

生得疏無得縮返短, 唯有忍心剪左佢, 係充足太陽之下再黎一次 (生命有 take2).  或者不斷摘頂, 谷佢係莖上其他位置長出新葉芽/旁枝.

明白，如果我想改水種，可以点做？係咪拎佢出黎清洗一下再入花樽到？

mini830 發表於 2014-5-28 08:17
明白，如果我想改水種，可以点做？係咪拎佢出黎清洗一下再入花樽到？

我之前都試過水種, 生得慢、葉又細又少...;
摘頂芽枝條放陰涼地方過幾日就會生根