黃花瑪格麗特（情人菊）

從舊屋附近見過，愛上牠後，一年返深圳，見到即買下去，
用了近三年時間，由一盆時花，成了現在四盆大“黃花格格“

最愛就是牠的生命力，仲有只要做足基本工，澆水，施肥，修剪，花就不停開
係十二月某個星期日早上，還有一大群蜜蜂過來採蜜，可以近距離同佢地影相

請問黃花瑪格麗特係要點樣修剪架？
之前係花墟買過一盆，佢地同我講話:冇架，種完開完就bye bye架喇。唔會長種。
所以想請教請教。

novernber 發表於 2014-4-25 00:50
請問黃花瑪格麗特係要點樣修剪架？
之前係花墟買過一盆，佢地同我講話:冇架，種完開完就bye bye架喇。唔會 ...

佢地可以多年生呀，老左，近泥土的枝修會木質化，而入冬，葉會黃，好似半死咁，
回暖就不停長新葉，越種就越大棵

而修剪，只係將榭了的花連同如鐵線般的花枝一拼剪去，唔洗落蕾後，好似一枝枝黃枝鐵線咁，
現在夜，明天補相呀

向日葵2 發表於 2014-4-25 01:00
佢地可以多年生呀，老左，近泥土的枝修會木質化，而入冬，葉會黃，好似半死咁，
回暖就不停長新葉，越種 ...

即係當花謝時，貼土剪去。
而黃左既葉就可以唔使理佢住，等春天就會生新葉。
咁到時黃左既葉或老枝要修剪嗎？剪到木質化既枝條會否傷害到佢地？

謝謝你既耐心解答呀

不是呀，明加相再答，現要睡了

哈哈，好的 先謝謝你

唔好意思，因為早上出街，所以要半夜才回覆

最左邊的花，就是已開畢了，花瓣已落，餘下一兩片（圖一）

（圖二）為放大圖

其實可以讓牠自行“了斷“，只是這樣會失去養份，兼且不好看，所以我會修剪牠。

選定需要修剪的花枝（圖三），記住剪貼一點（圖四）

剪得不夠貼，望上去就好似一枝枝黃色鐵線咁，非常難睇（圖五）

不理牠，讓其自行“了斷“，就是這樣（圖六）唔好意思，影相時對錯焦點，

一枝半枝不算什麼，當成盆花都係咁，你就知有幾難睇

哇！好詳細！多謝咁有心解釋呀。
即係花謝左就貼住花莖既底部剪。

咁黃左既葉呢？
上次提到木質化，係咪唔好傷害木質化左既部份？

上面提到的木質化就是這樣（圖七），貼近泥土的枝條己長了幾年，現如筷子般粗，記住不是剪這裡。

而近秋，或澆水不夠，就會見到（圖八）的黑色枯葉，可不用理會，上面不斷長新葉，下面就木質化兼無葉，只要上邊枝葉茂盛，下邊就不會有問題

其實“格格“只是統稱，其實有好多花形及顏色，因為之前這四盆種到爆盆，

所以今年見有其他，所以又買了，但係咪咁照顧，仍在試驗中，但其中一盆，己開始見木質化，
估計應該可以如此處理

會不會容易招來小蟲蟲，我以前曾種過菊花，但生了很多黑色小如芝麻的昆蟲

實在太太太感謝你了。
先前我種到下面木質化左，上面又有枯葉喎，然後個sales又話開完花就種唔耐架喇，如果要種，佢教我剪木質化既位-.-
今次我會再種！非常喜歡小黃花！佢地真係好靚！
再次感謝你！

小蘭子 發表於 2014-4-26 01:21
會不會容易招來小蟲蟲，我以前曾種過菊花，但生了很多黑色小如芝麻的昆蟲 ...

會呀，菊與玫瑰，兩種都係好易有蟲的花，
所以這兩大科目，一直不點，

只係人老了，開始愛上菊花，所以咪試下囉。

你講的，有黑，又有綠，應是蚜蟲，早兩星期，四盆都中招，
跟住用藥，現在ok，新居附近四週空氣流通，所以現在敢定時用藥，
發覺d花係靚d，同小d病死

novernber 發表於 2014-4-26 01:31
實在太太太感謝你了。
先前我種到下面木質化左，上面又有枯葉喎，然後個sales又話開完花就種唔耐架喇，如果 ...

不用客氣，能夠分享，大家可以享受種植樂趣咪好囉，

我都係種左廿幾年花，死花無數，現才好一點。

現在有網上資源，應該易解決d，有需要再將問題交上來，這裡有好多師傅應該可以幫你解決呀

向日葵2 發表於 2014-4-26 01:36
會呀，菊與玫瑰，兩種都係好易有蟲的花，
所以這兩大科目，一直不點，

年輕時的影響下，已多年沒有想過種菊花，前幾年花展的主題花系菊花，才覺得菊花也有很多品種值得欣賞，但想起蟲蟲就..........
而家知道原來同玫瑰一樣！種玫瑰糸我多年的夢想，去年搬到村屋住，即時買左盆種，才發覺很招野蟲同菌；還好學懂落藥，可能遲D都種番盆菊花。

小蘭子 發表於 2014-4-26 02:07
年輕時的影響下，已多年沒有想過種菊花，前幾年花展的主題花系菊花，才覺得菊花也有很多品種值得欣賞，但 ...

ok哦，到時可能大家交換交換。