國蘭

養了多年，今個新春期間開嘅花。

蘭蕙都很美 .

mayl12 發表於 2014-3-9 21:53
蘭蕙都很美 .

謝謝看花。
都是老東西，養下十年多，
不過毋 mug 打理！

第二張相見到有葉尖變黑，係咩問題？我都有一棵新買既墨蘭有一塊葉尖係咁，睇上去好似問題唔大，只係剪咗佢就算，仍在觀察中，係咪我淋水太多？還是植材不夠疏水？

弘安 發表於 2014-3-16 15:21
第二張相見到有葉尖變黑，係咩問題？我都有一棵新買既墨蘭有一塊葉尖係咁，睇上去好似問題唔大，只係剪咗佢 ...

按內地玩家講，葉尖變黑，係因為根的狀態不好，可以倒棵草出黎睇睇，多數無根尖，
可以用"國蘭 焦尖"係GOOGLE搵，會有好多資料
我個人的經驗係，國蘭植料，用蘭石+樹皮，有幾大粒，用幾大粒，內地網有句話，我覺得好好，"蘭花種得好，風吹亦會倒"，
植料鬆0的，等佢有多0的空間通氣同生長，另外，唔好用粒肥，用水肥，
再另外，因為蘭石比發泡煉石保水，真係可以一個星期至淋一兩次水(慘痛經驗)。

我用底部四分一陶粒（都好大粒），上面就用水苔混樹皮，我以為蘭石唔保水，唔敢用，因為我經常幾天，一星期不在家，怕乾晒水會死，所以揀咗混入水苔，加上網上又話要疏水但係又要保濕，８成乾就要淋水

cccow 發表於 2014-3-16 17:07
按內地玩家講，葉尖變黑，係因為根的狀態不好，可以倒棵草出黎睇睇，多數無根尖，
可以用"國蘭 焦尖"係GO ...

"蘭花種得好，風吹亦會倒"
我用水苔種的時候還可以鬆一些，改用全蘭石種就很緊
我一手拿着蘭葉，另一雙手就倒蘭石進去，讓它自然填滿，都沒有拍盆身，就已經很緊了

弘安 發表於 2014-3-23 18:19
"蘭花種得好，風吹亦會倒"
我用水苔種的時候還可以鬆一些，改用全蘭石種就很緊
我一手拿着蘭葉，另一雙手 ...

我自己對呢句0既理解係，植料要有多0的空隙，
因為0的根對空氣的要求比其他地生植物高，
而對水份要求唔係真係要液態0既水，只要有水氣，0的根都吸收到，
所以對種料要求係保水透氣

可以因為其他人講蘭花難種。係呢個網又見到有人話種死過。有d擔心。

小弟之前看過一本蘭書的解說. "蘭花種得好，風吹亦會倒"有2個含意. 第1係用土要疏鬆. 第2係蘭株要淺植.

國內養蘭者大多都用泥土, 而不是如香港人一樣用小石種蘭. 蘭根的根為肉質根. 對通氣要求高. 氣不通則根敗, 根敗則草倒. 蘭頭要高於盆土或不多於1/3蘭頭埋於土中.

養國蘭. 由選株, 用盆, 用光, 用土, 澆水, 施肥, 逼花, 逼芽和弱草復壯都有學問. 蘭書中的種蘭通則可作為參考. 但亦須要因應不同環境有所調節. 若有錯漏, 請師兄見諒並賜教和指正

我係呢個網都見到有網友把國蘭種在地,回歸自然,既然野生的環境都是這樣, 用泥種不是更好嗎? 點解用更透氣疏水的蘭石種都可能會種死?之前和網友交換了一盆四季蘭,他說種咗很多年,又無咩打理, 而且他用泥種,泥土很黏很濕, 不疏水透氣, 不但沒有爛根,而且根又白又壯
係圖書館搵蘭花既書, 只係搵到一本, 而且每種蘭花都只講好少, 都係很一般既資料

蘭株要淺植 (除了春蘭)

氣候不同，國內用小石或香港用泥(炭灰土）都唔易種好。

國蘭自然野生環境根是貼地横生的。

同洋蘭不同，國蘭的根是半氣根。植料四成乾便應淋水。

打理唔好用甚麽種甚麽都可能會種死。

家父於小弟兒時都有種蘭. 應是四季蘭. 他用大瓦盆花崗岩種. 並把蘭放於室外被陽光曝曬. 每天或隔天澆水. 年年開花, 根白而粗壯. 小弟一年前用新植料. 根比以往好, 但不大理想. 今年用改良植料再試.

用花崗岩種??

弘安 發表於 2014-4-6 10:18
用花崗岩種??

用日本蘭石種。