本帖最後由 ccchen 於 2014-3-19 05:32 編輯
係化肥, 但係自己種, 控制到份量就冇問題, 半桶水有機種植仲死, 只係知要落基肥, 幾時再追肥, 又冇野量度, 份量有冇多都唔知, 吸曬入菜度, 咪又係氮元素過多!! 氮元素唔係化學成份咩? 係就係話收割前十日唔再追肥, 但係又點知塊地長年累月咁追肥, 仲有幾多氮肥積聚喺度? 唔通吓吓都拎D泥去分析? 高高手可能唔驗都估到, 但係D半途出家的又估到幾多?
水耕就簡單得多, 因為冇用泥, 唔使考慮佢有冇受到污染和有冇重金屬, 每個月都公息化用消毒過的清水開指定比例的化學元素就得, 而且量度份量和濃度都非常容易(其實化肥食唔食得, 提煉方法先至係關鍵), 用完的營養液唔好就咁沖走佢, 餘下少量肥份最適合種花種苖. 對於我呢D只知1+1=2, 你話1+多少少都要問究竟多少少係幾多的蠢人, 所有野都準確量法咗(包括日照時間, 光譜和光度), 就會變得非常容易, 亦不會過量, 一切有根有據, 係唔係簡單得多呢? |