各位媽媽, 有事請教~~

我好想帶我的10歲仔仔去海灘游水, 但係我又唔想佢跟我入更衣室, 又唔放心佢一個人響男更衣室........
有乜辦法呢??
我曾經去過公共海灘d女更衣室, d女人唔著衫褲行唻行去.....好肉酸. 沖涼o既地方又冇門...
各位家長, 你地會點做呢?

10歲咁大個,自己應該ok了,比個機會佢獨立下,响門口等佢啦

原帖由 小美 於 2008-7-4 22:50 發表
我好想帶我的10歲仔仔去海灘游水, 但係我又唔想佢跟我入更衣室, 又唔放心佢一個人響男更衣室........
有乜辦法呢??
我曾經去過公共海灘d女更衣室, d女人唔著衫褲行唻行去.....好肉酸. 沖涼o既地方又冇門...
各位家 ...

叫埋老公去睇仔

原帖由 江江 於 4/7/2008 22:56 發表

叫埋老公去睇仔

唉...得我同佢咋.
唔知入面乜野情況. 做媽媽要保護個仔. 我怕有乜野事發生啊.....

十歲係唔好比佢跟住你..
至於安全問題就.....

如果係我都唔放心比個10歲仔自己入更衣室,
不過男仔就簡單d,
叫佢係室外沖身,
你用毛巾幫佢遮遮,
換條褲,
應該都ok既.

10歲仔仲話細?
唔通你認為更衣室裏便個個都係基佬,會按住你個仔嚟非禮?

等人多時才讓他入更衣室,不要入沖身格.
裏便佔絕大多數的正常男人都會對你個仔形成保護.(如果真的有基佬係入便)

放心讓他入男更衣室吧,10歲仔應有能力照顧自己.

如果仍不放心便在更衣室外等候,叫他有事大聲叫.

如果這樣仍不能消除你的擔憂,
你可以每隔三十秒在更衣室外大叫 "阿仔你換好泳衣未啊?"
不過你就要預左傍人疑惑的眼光.

他早已不是手抱的嬰兒,不需要處處貼身照顧,請讓他有一點成長的空間.

以上是一個父親的睇法.

[ 本帖最後由 wct119 於 2008-7-6 00:40 編輯 ]

10歲...
可以訓練佢獨立吓...如果...否則連去麥當當買个包都唔敢開口..
睇番..天水圍爬渠的兩个 5-7歲小孩..佢地的獨立求生能力很強啊..
放心俾个仔自己嚟啦..佢會有成功感既

[ 本帖最後由 江江 於 2008-7-5 13:01 編輯 ]

小美, 放鬆d啦, 真係要有事, 你點保護都無用.
細路仔都要學下自己保護自己, 電視都有教, '要識得叫唔好'.

老實如果我係更衣室見到你個十歲大的仔, 我會趕佢出去囉, 十歲真係大個仔喇, 係門口等啦

我唔明白你的顧慮係嘜？
你係擔心佢唔識得自己沖身換衫？定係怕有人攪佢？打佢？
我地想了解多 d 先可以俾意見你。

我都覺得１０歲好大個了，放心吧．最多俾佢入去前先同佢解釋清楚唔好做ｄ危險動作．不過１０歲應該唔會無端端禽高禽低了．

外人不會明白你有幾緊張個仔，不過外人又會心水清ｄ，是時候放手了，唔係你覺得幾多歲至會放心？十幾歲重成個裙腳仔會被人笑佢架，我諗你仔仔都唔想．

不如問下佢覺得自己一個人入更衣室ｏｋ唔ｏｋ？可能佢話好呢！

我女差唔多8歲,佢同老豆落樓游水都係自己攪掂

10歲又真係要開始訓練下自律性 LAW~
不過第一次, 唔放心亦可以考慮去一D有共眾沖身既海灘
而你就要穿左泳衣再穿衫出街, 沒法!

原帖由 wct119 於 5/7/2008 12:33 發表
10歲仔仲話細?
更衣室裏便咪有一大班男人囉,
唔通你認為更衣室裏便個個都係基佬,會按住你個仔嚟姦?

等人多時才讓他入更衣室,不要入沖身格.
裏便佔絕大多數的正常男人都會對你個仔形成保護.(如果真的有基佬係入便)

...

多謝你o既提議.....
佢10歲真係唔算細喇....識怕醜ka喇.
以我所知, 基佬唔會搞我個仔o既....我係怕果d鐘意細路仔果d呢.....
成日睇報紙果d游泳教練呀, 補習老師呀, 鋼琴老師呀, 學校老師呀....甚至牧師.....果d新聞都咪話唔驚.
唔係妄想o既...而係唔想發生左事先唻後悔補救o者.
教佢say no!係一回事, 到佢遇到問題又會係另一回事....
如果外人見一個男人幫個細路沖身, 好自然會覺得係一對父子.
以前試過佢入男廁, 去左好耐, 我響出面叫極佢都唔應我....我差d衝入男廁ka喇.

不過听完你地意見之後, 我決定響男更衣室出面等佢.
希望d男仕唔好當我係女色魔啦. 真係好異相.....不過我都唔想ka. 體諒下啦...

原帖由 江江 於 5/7/2008 13:00 發表
10歲...
可以訓練佢獨立吓...如果...否則連去麥當當買个包都唔敢開口..
睇番..天水圍爬渠的兩个 5-7歲小孩..佢地的獨立求生能力很強啊..
放心俾个仔自己嚟啦..佢會有成功感既 ...

佢好獨立ka喇, 係我自己擔心佢安全o者.
佢5歲已經識去麥當當買野ka喇.
至於天水圍果兩條豆丁...太厲害喇. 我完全感受到佢父母o既壓力.
呢d係好好o既"反面教材"...

原帖由 kim 於 5/7/2008 13:03 發表
小美, 放鬆d啦, 真係要有事, 你點保護都無用.
細路仔都要學下自己保護自己, 電視都有教, '要識得叫唔好'.

我已經做左好多野傷害左佢,
所以我唔想佢有機會受到傷害.
可能我真係太緊張......
只係我唔想又講果兩句...."早知我...."同埋"一日最衰都係我....."
你講得arm, 我要放鬆d.

原帖由 charlie 於 5/7/2008 13:11 發表
老實如果我係更衣室見到你個十歲大的仔, 我會趕佢出去囉, 十歲真係大個仔喇, 係門口等啦

哦, 呢個你放心....我係絕對十分堅決反對男性入女性更衣室.
有時見到d女人叫埋d仔入去....我覺得討厭ka.

原帖由 貓貓 於 5/7/2008 13:24 發表
我唔明白你的顧慮係嘜？
你係擔心佢唔識得自己沖身換衫？定係怕有人攪佢？打佢？
我地想了解多 d 先可以俾意見你。

多謝你呀.
其實我係怕有人攪佢.
佢會識say no, 但係怕佢未識反抗囉.
不過听左你地意見, 我會試下ka喇.
佢當然鐘意自己入男更衣室啦. 係我擔心o者.
所以我想睇下其他媽媽會係點做囉.

"養子方知父母恩"
"養兒一百歲,長憂九十九"

都係做左父母才深深體會到,明白你的心情.

抱著 bb ,在自己肚上睡得香甜的情境就像昨天的事,
但轉眼都已10歲.