我住係油麻地廟街某廈,上年10月先搬黎,好好彩有個成個天台可以種下野,諗住今年開始種,但呢個天台有好多自然危機:
1. 貓: 呢棟樓有一隻流浪貓貓,我同樓下都有份餵佢,好惡唔摸得,我搬左黎之後,整左個貓廁所俾佢,佢就少左上我個天台便便,不過都係間唔時上去大一轉.....
我怕我開始種菜時,D泥同D苗會成為佢既廁所同廁紙,而貓屎係做唔到肥料的.....
不過我係點都唔會趕走隻貓的,我自己都係貓痴,只係我已經有4隻而且4隻都好仇外,我唔可以將佢收歸國有,亦點都唔會call 根本唔係愛動物既漁記、愛協
2. 雀:雖然係市中心但有好多雀仔,11月份時,我執過一隻雀屍,兇手懷疑係隻貓貓
3. 小強和米奇:樓下係香噴噴既煲仔飯,夏天時,我天台會有小強、甚至米奇,我12月就執過一隻米奇屍,兇手都係懷疑係隻貓貓(哈)
4. 日曬雨淋:其實我個天台好大,但我就係唔知點裝個頂,大風大雨猛太陽,都唔知點整好
各位大大,有無建議教下我點應付上面幾點自然災害呢?
我的大天台
|