我係新手有些問題

我想問淘回來的肉肉，你們係即時下土定係隔幾天下土呢？還有肉肉土會係淘定係hk買？請教高手

[我都係新手, 肉歲半年]

我會睇佢d根乾左未, 看上去缺唔缺水
根未乾的話, 就放1-2等d根乾晒先
但如果個樣枯枯黃黃咁, 就上盆等佢恢復狀態

肉肉土梗係喺香港買, 運費好貴的呀!


有錯請各位大大指正

通常淘寶運黎咁多日（我用轉運）咩都榨乾晒.所以都係即刻落盆好d,d泥唔好太濕.一星期再淋水…hk買唔到既植物先用淘寶啦.始終快遞整殘d多肉嘛…不過我都係新手.都係我自己經驗咋

歡迎新人加入！

歡迎加入
我諗應盡快上盆, 最好用溝好的新泥, 因新泥有小小水份, 不會太乾, 但上盆後不要立即淋水, 要放陰涼通風無太陽照射的地方, 等適應最少二三日
香港買到又平的, 當然無必要上網淘, 只是香港沒有的或有都貴的才會考慮上網淘的

我會去掉枯根同剪走大部分支根,保留主根,風乾傷口先落盆。
當然唔剪根都可以,但落盆前一定要確保傷口係乾,唔係好易爛根。

我個人唔PREFER淘,因為郵寄植物長途跋涉,佢地都要時間復原呢!

乜肉, 唔同種類, 唔同種法,
夏種型現時係休眠

歡迎多肉版嘅新花友！  

歡迎新花友加入分享討論

我淘左幾種，未送到，我做定資料搜集，因為我住果頭好小肉肉買

我會去深圳買赤玉土，用來種多肉既介質一流丫

我都係新手種左半年多肉咋

店小義 發表於 2014-1-9 23:13
我都係新手種左半年多肉咋

你半年已變成高手了

今日我先到左個玉露・・我今晩会上盆。一般睇下你買乜。石頭、玉露会修根上盆。
土麻～在MK買、只有鋪面石的鹿沼土係淘返来。

我都係新手！肉肉土自己混，椰糠、蛭石、珍珠岩，加緩解肥，面舖硅藻或鹿沼土。多數肉肉淘回來，要較長時間適應，當中部份say goodbye了。還未掌握得好，肉肉一係不長肉，一係就徒長了。我放窗邊，有足夠的日照，不知是控水還是土壤的問題。最近在花墟買了散裝赤玉土，打算遲些用來再混土試試會否好些！

另外也有試種種子，因沒位放了在室內，晚上用植物燈照數小時，不過仍徒長得很利害，我想是照射不足夠吧！剛購了數支T5，遲些買個定時器，就起個培養區再試過！

種子到成苗需時都要好耐，有時又有假種子