本帖最後由 紅寶石公主 於 2013-12-1 23:33 編輯
最近網上見到一款石蓮好靚, 叫"晚霞之舞", 又身痕好想買, 於是就叫男友幫手去淘.
點知佢見我種白熊咁開心, 佢又話要買, 於是佢非常落力周圍去揾, 同d店主網上吹下水.
終於氹到上次買白熊嗰間店, 賣左私人珍藏嘅老庄白熊俾佢.
晚霞之舞是在另一間店買的, 又俾佢爭取到有贈品, 又再氹店主半價賣白熊俾佢.
原本諗住買一盆, 終於淘左4盆肉返來, 真係服左佢.
今次又要非常感謝男友幫忙, 不過d白熊就要暫時拘留在我家中
Shop A 白熊, 老闆話上次的白熊賣哂, 呢棵是自己種開的,
莖是老庄, 已經木質化, 細葉比較多,
原來白熊可以曬到連掌都變紅色, 大部份葉都是淡紅色, 好勁呀. |
-
今次用太空棉包得很好, 只掉了一塊葉
-
老庄有很多根
|