藍莓用水苔發芽的實驗(7月4日更新,實驗總結)

種子在3月11日播種.早前泥種的三星期發芽,今次用水苔種,像joke_k_d所說約一個月才發芽,現在約有十幾粒開始發芽,希望你地睇到(我都覺好難睇到)!

[ 本帖最後由 orchids 於 2008-7-4 19:32 編輯 ]

我睇到呀。
原來要成個月
之前兩星期都冇見佢發芽，掉左

好叻呀你,我都種緊呀,但未發芽,等待中

我都睇到呀 ^^ 加油

原帖由 orchids 於 2008-4-7 17:08 發表
種子在3月11日播種.早前泥種的三星期發芽,今次用水苔種,像joke_k_d所說約一個月才發芽,現在約有十幾粒開始發芽,希望你地睇到(我都覺好難睇到)!

咁即是用水苔仲慢！
水苔種有好處嗎？

原帖由 alextang 於 2008-4-8 09:39 發表


咁即是用水苔仲慢！
水苔種有好處嗎？

多謝各位參觀!各位都好眼力喎!
用水苔發芽有咩好處,我唔知道,用水苔種只係早前蘭花換水苔有剩,花友joke_k_d在網上找到種藍莓的資料,提及有人用水苔發芽.
藍莓小苗生長緩慢,要種三年才結果(我自己果棵種在窗邊,種了兩年有多,連花苞都未見過),種藍莓要有耐性.

用水苔發芽系因為水苔保濕力強,忘了淋水種子小苗也不易缺水而死

原帖由 蠍子仔 於 2008-4-8 17:27 發表
用水苔發芽系因為水苔保濕力強,忘了淋水種子小苗也不易缺水而死

我估未必是,我用泥種時都係1或2星期噴水一次(我用藍莓盒種,有蓋及種室內),我估可能係水苔較乾淨,因為就算成功發芽,小苗好易UP水腐爛,但是否真的水苔較乾淨,而令小苗冇咁易UP水腐爛,就要個實驗試耐d先知道.

4月22日,種子發芽情況參差,有的剛發芽,現在已有約70%種子發芽,沒有小苗出現up水腐爛.

種子發芽速度很參差,有的已長出幾片真葉,有兩棵小苗只見莖部子葉仍包在種子皮內,發芽率估計有九成以上.
小苗不像泥種時容易'up'水腐爛,沒有小苗在發芽過程中腐爛.
今天移苗,將原本用水苔種的小苗,轉用砂混合泥炭土種植,小苗的根非常纖細,移苗時有兩棵小苗弄斷根部.

可否連同水苔一起移到泥中呢??
用水苔前 須不須要將水苔浸一晚水呀??
我未用過架......

[ 本帖最後由 蛀米虫 於 2008-5-16 19:02 編輯 ]

原帖由 蛀米虫 於 2008-5-16 19:01 發表
可否連同水苔一起移到泥中呢??
用水苔前 須不須要將水苔浸一晚水呀??
我未用過架......

因為有好多棵生埋一齊,我想種番疏D,所以我續棵掹出嚟移苗.
我唔記得有冇浸過夜,但如果唔浸過夜,我會用手㩒D水苔幫佢吸水,不過記得剪碎D,如果唔係就唔知點移苗.
我先前用泥種,D藍莓小苗好易'up'水腐爛,我換植料淨左D砰水苔,就攞嚟做吓實驗,不過唔知移苗後,D苗仔可唔可以適應,我會一個月後再報告,有興趣試可以再等一個月.

有興趣試，我會再等。
是啊、上次我種的死了好多。
下次有機會我又試下用水苔先

我都用泥種左2星期..咩都未有

原帖由 三佰蚊 於 2008-5-17 09:45 發表
我都用泥種左2星期..咩都未有

用泥發芽快過水苔,但都要3個星期.

你們d藍苺d種子是哪裡買啊?我都好想試下種.

啊! 咁姐係第日如果其他小苗在發芽過程中比較容易腐爛的.
都可以試下用水苔啦~~~

原帖由 athernas 於 2008-5-17 21:50 發表
你們d藍苺d種子是哪裡買啊?我都好想試下種.

唔洗特登買種子,食藍莓時留2~3粒拆種子就得ga la(我的實驗品由兩藍莓粒拆種子),不過由小苗種到成熟要3年,而且香港種好難開花結果.

原帖由 carmen 於 2008-5-18 00:59 發表
啊! 咁姐係第日如果其他小苗在發芽過程中比較容易腐爛的.
都可以試下用水苔啦~~~

我都係咁諗,不過在現階段,這實驗還完結,如果移苗轉用泥種後,幼苗能繼續成長,才算成功.

小苗在移苗時分了四盆,分別為一盆15棵苗,一盆10棵苗,兩盆9棵苗.
現在仍然生存的共34棵, 一盆15棵苗的死了2棵, 一盆10棵苗的死了1棵, 一盆9棵苗的死了6棵,另一盆9棵苗的仍是9棵.
死得最多的一盆,曾被手痕人用猛力水喉照頭淋,小苗被沖到泥裡去,雖然我將佢哋拯救回泥面,表面看似之無恙,但幾日後葉片及頂芽枯萎.
除了被手痕人淋死的小苗,其他三盆小苗的存活率算ok.
我覺得水苔較易被小苗根抓住,淋水時水力不太猛就可以,但轉泥種後,小苗根短不易抓緊較鬆散的泥土,淋水時小苗容易被沖到泥裡,所以要用浸盆或噴壺淋水,現在小苗大了些,似乎已經可以抓住泥土.
我覺得可能水苔較乾淨,小苗不易腐爛,但移苗後根未抓緊泥土前淋水就要小心.

另外,想幫實驗品搵個好歸宿,諗住7月12日星期六下午3:00時旺角花墟交收,如果有興趣種而又可以在指定時間及地點交收,歡迎領養藍莓小苗,我會將小苗分四盆,每盆約8棵,但雖然種了約四個月,現在仍只得2~3厘米高.
請注意:交收的時間及地點不會改,如果哩度花友冇興趣,我會在7月8日星期二轉貼分享版.