三十樓的天台可種些什麼?

各位大人好，

小女子剛搬了家連頂樓的天台，終於可以實現夢想，種到成個天台都係野!  但由於直係好高，大風大雨，有太陽又日日晒乾 <-人都晒死左，何況係我可愛的植物?!  太陽伯伯已經晒死左我幾盆香草，我想問下呢個咁既環境可以種咩係唔怕長期日照 GA LEI?   30 樓又太高，唔敢搭溫室

麻煩各位比D 意見我丫

無花果, 夏秋有果, 喜歡大肥(肥料)大太陽, 很多花友有天台的都種, 但下雨時要避雨, 你亦可種檸檬, 柚子, 都不怕曬的!

仙人掌

我以前都係系30幾樓天台種野,其實大部分野都種到,香草可以放系冇全日曬既地方就可以.

恭喜
唔搭溫室都可以試吓綁塊遮光網檔一檔陽光。

cylau0910 發表於 2013-7-18 01:02
無花果, 夏秋有果, 喜歡大肥(肥料)大太陽, 很多花友有天台的都種, 但下雨時要避雨, 你亦可種檸檬, 柚子, 都 ...

檸檬同柚子怕唔怕水? 無花果都好wor!!! 香港係咪去旺角買? 大西北有邊度有得賣?

uarepigpig 發表於 2013-7-18 01:22
仙人掌

大風大雨，會唔會浸死佢?

tt28 發表於 2013-7-18 01:32
我以前都係系30幾樓天台種野,其實大部分野都種到,香草可以放系冇全日曬既地方就可以. ...

其實係我要番工，好驚番工果時突然落大雨會浸死d寶貝，所以比較難決擇要種咩囉

我都係30樓種更。你要留意風向。我向西北。所以一大風就要搬野。
夏天同冬天陽光嘅方向。我宜家揾到個角落可以種香草，過咗兩個夏天。
種樹，我覺得向天台唔係咁適合。打風你就會知。
宜家你可以安排下位置，預備種入秋作物都差唔多。

樓上mono講得好啱, 要注意風向同陽光, 可用層架或磚頭把植物放高小小,方便清潔同去水, 層架又可以再加防晒網同膠布防水.
好多植物都可以晒得, 如玫瑰, 白蘭, 桂花, 檸檬, 艾草等等, 視附你想觀賞定食用. 加油!

這是我在三十樓天台的種植給你參考下.  種了半年多, 冬天種菜,夏天種瓜, 亦有種無花果, 可惜未有果.

在自己來說,種植是一份鍛煉, 一份享受, 要享受種稙的過程多於收成的喜樂. 否則很易失望. 當然收成時的喜樂是極大的.

種菜1~3個月
種瓜2~4個月
種果呢....要以年計了..

我都系天台种野，不用担心种到的。但是同系地种很大分别。系地种一分耕耘一分收获。但系天台，十分耕耘位必有一分收获

我都係響30幾樓天台種緊菠蘿, 洛神花, 圓茄子, 水蜜桃, 苦瓜, Sweet Basil - 算係成功有得食

仲有再接再勵都未成功嘅咯蜜瓜。

洋蔥頭 發表於 2013-7-18 14:30
樓上mono講得好啱, 要注意風向同陽光, 可用層架或磚頭把植物放高小小,方便清潔同去水, 層架又可以再加防晒 ...

多謝晒分享! 我家向西北，真係好大風，一有雨就真係橫風橫雨，我諗都要好小心諗清楚

mono 發表於 2013-7-18 09:29
我都係30樓種更。你要留意風向。我向西北。所以一大風就要搬野。
夏天同冬天陽光嘅方向。我宜家揾到個角落 ...

我家都係向西北丫!!! 我見到有位大大係天台種瓜，我都想…………都係要搵下資料，唔想d 瓜比風吹走左

elleray 發表於 2013-7-18 15:02
這是我在三十樓天台的種植給你參考下.  種了半年多, 冬天種菜,夏天種瓜, 亦有種無花果, 可惜未有果.

在 ...

多謝分享，我會努力搵資料睇下可以點!!!

種下番薯葉，簡單D吃住葉先。塞幾粒南瓜種子，南瓜苗味道都唔錯噶。
有足夠噶泥土，種乜都無問題。太高或者要搭架就要視乎幾大風咯。可以想像颱風來到放紙妖咁壯觀噶景象。

種咩都好.最緊要個盆夠大,泥多夠水,曬足一日,好易乾死,我的小盆栽被太陽伯伯帶走了不少

學花友話齋, 喺諗定秋播位置之餘, 而家嘅天時, 想最快啲有收成嘅, 可以種通菜, 另, 油麥菜都可以發到芽. 不過有樣嘢唔係嚇你, 聽你講你嗰度咁應風, 你應該趁而家未打八號風, 諗定可以抵擋強風吹襲嘅佈置. 我住地下, 四門有樓圍住, 只係個西南風口位, 但有次十號風球, 門前及街外嘅樹枝吹斷就不在話下, 連3個人先攬得哂嘅樹都吹到左搖右擺. 我屋企個穩固超重鐵閘都吹甩咗, 搞到成晚冇瞓, 冒住生命危險出咗去幾次, 唔係扶花盆就整番正啲枝架. 幾驚險同狼狽呀.

您好,請問係咪種左水蜜桃呀?有果嗎?是買苗種嗎?