迷迭香生根了，可以定種了嗎?(有圖)

迷迭香已浸水兩星期，浸水一星期後開始生根，想問下有咁多根可以落泥定種了嗎?

可以落泥定種了!

malike 發表於 2013-5-6 16:20
可以落泥定種了!

根的數量足夠嗎?上次可能唔夠根就落泥加上落水太多所以全部死了

我已將迷迭香落泥定種了，泥已淋透了，但點知道要隔幾多日先可以再淋水呢?

如果係新苗定種, 我會用手試下盤既重量, 亦可以用手指試下深D既泥濕唔濕.

新苗既話, 加上依家不定既天氣, 我都係由植物既"勁"去比水, 唔會比太多. 因為根都唔長, 如果整個盤都濕晒好易水多整死新苗.

我自己會用比較去水既泥, 因為住既地方問題

isamu 發表於 2013-5-7 18:07
如果係新苗定種, 我會用手試下盤既重量, 亦可以用手指試下深D既泥濕唔濕.

新苗既話, 加上依家不定既天氣,  ...

我用泥+沙+椰糠做介質，沙既比例較多。我用噴水壼噴濕D泥，直至有水O係盆底流出就停手，我估計要等五六日後先會再淋水。

我差不多日日淋水. 但比較少會淋到個盤底有水出.
我自己就發左三盤rosemary啦, 我用普通既培植土, 通常我會第一轉就慢慢加水, 等D泥吸水先, 跟住就朝朝早都淋D水比佢地(我通常用手去秤秤佢地, 睇下墜唔墜手),保持住D泥係濕濕地. 夜晚我就唔會淋水, 除非係落雨. ( 因為我係掛嚮窗外 )

m36252 發表於 2013-5-9 21:19
我差不多日日淋水. 但比較少會淋到個盤底有水出.
我自己就發左三盤rosemary啦, 我用普通既培植土, 通常我會 ...

我淋左第一次水{7/5}後到今日都未淋過水，因為見到泥面仲有少少濕，我計劃明天再淋水

m36252 發表於 2013-5-9 21:19
我差不多日日淋水. 但比較少會淋到個盤底有水出.
我自己就發左三盤rosemary啦, 我用普通既培植土, 通常我會 ...

杆插既迷迭香落泥一星期左右，暫時都無乜問題 ，但大嗰盆迷迭香有紅蜘蛛 連第三輪剪落黎既枝條都發現有紅蜘蛛