本帖最後由 群龍無首 於 2013-3-16 04:39 編輯
一直好想擁有一棵台灣長果桑,但聽老友記話內地淘寶賣的所謂台灣種長果桑都係假貨,所以好想擁有都唔敢買,過去兩年,我曾請呢位老友記俾過兩回佢在台灣偷偷帶回來的長果桑(已在她花園長大成樹,^.^)枝條想話試插試種吓,但可惜竟冇一枝可以成功存活,所以舊年請花墟一間專賣台灣進口花草的(叫“中天蘭花”)花店,幫我試訂長果桑苖苖,等到佢地連店都關埋,一直都唔見有回音,點知幾日前,一位小姐突然打電話黎,話我訂的長果桑苖苖已到咗貨,叫我去買,原來呢間舖並唔係結業,只係搬咗去花園道,近香島中學個邊,^.^,我去到見佢地一共入咗6小棵(全部係接枝,並帶果),我當然買咗一棵啦,若有花友都想試種吓呢個品種,咁你地可以去睇吓合唔合心水,^.^ |