大形流動鋁架

再接再厲，做了一個大形鋁架，大約三尺乘五尺，三層架，上層可加防鳥網，中層放組合花盆種菜，不用彎腰傷身，下層可放雜物，可因應陽光、雨水，推至最佳位置。　

响邊度買料做架?  
鋁係咪啫係唔生锈架啦?
有幾高啊?

鋁角條在専賣鋁材公司買，鋁是不生銹的，架有五呎高，成個流動床一樣，攪咗成日才做起，成身痛。

不知用多厚和闊的鋁角。見你中層已有10格盤。最好用2寸或以上厚料。
同時上下兩層架背各加多一或兩枝斜角會較穩紮。
上泥後會好重。一推容易變形或倒蹋。

個輪會唔會迷你左小小?  加泥加水後有成100kg嗎?

自己整...強丫 !

weels 發表於 2013-3-25 18:25
個輪會唔會迷你左小小?  加泥加水後有成100kg嗎?

2 吋轆，吋半厚角，會後加斜條來加强乘托，希望夠實正。

lordtolord 發表於 2013-3-25 12:22
鋁角條在専賣鋁材公司買，鋁是不生銹的，架有五呎高，成個流動床一樣，攪咗成日才做起，成身痛。 ...

鋁會唔會輕得滯, 唔夠力架?
請問成本用咗幾多?

危！不能付重！

Agree.. 鋁料製作中上層.. 或者還好 (上層都唔好咁厚泥吖).. 下面果層真係要補強吓好, 例如後排中間加一柱再落4條短斜條, 太長的話, 怕都係受不了力會淆.

轆亦有d擔心.. 隻轆本身之外.. 支架處施工難度不低, 如鑼絲另一面單是鋁料, full load亦應該會淆.  計一計每層嘅盤如盛滿水有多重, 再乘大作目標較好.  資料齊的話, 或有高人可指點一二呢.

而家睇唔清個轆係點落嘅.. 網同架係咪有焊嘅呢, 見到上中層同下層有接口位.. 係焊嘅.. 黏嘅定點嘅呢.. 鋁料diy唔知可以點搞?

(為方便清潔, 屋企多數傢俬都加咗轆, 好喜歡行新填地街.. 你可以google map睇280號左右的高空設備公司, 好多轆同架, 好多歐美貨仲有spec, 執到料又學到野)
(另外如果有踩/玩單車, 會知道鋼料同鋁料, 其實相當強度下重量相差不大... 當然焊工亦是重點, 呢個係鋁件貴嘅主因)
(自己骨頭都係唔好, 雖然免彎腰係好, 不過整親仲弊啊~)

聽從師兄建議，加上四條斜角後，鋁架堅實咗，因為要種南瓜，把花盆移至下層，計劃把南瓜垂直生長。

成功在望，佩服DIY精神