刧後餘生 - Rob's Antique Rose

Rob's Antique Rose, 入秋前因為淋水過多, 導致有一邊根爛左, 一邊葉爛埋, 好彩死唔去....剪走爛葉令整株型態唔balance...但繼續小心照顧, 今日我終於第一次見倒佢花花喇.....

好靚女啊

好靚呀！
你唔講真係唔似死過翻生。

縐縐的綠邊, 好靚! 你悉心的照顧有回報啦

全靠樓主你唔放棄佢先可以''重生''呀! 個花重好靚添!

fafa18b 發表於 2013-3-18 18:32
全靠樓主你唔放棄佢先可以''重生''呀! 個花重好靚添!

我唔會放棄佢架，因為係我衰淋多左水先會出事，而且我仲未見倒佢開花我唔甘心囉！

D花為左答謝你, 所以開得燦爛~~~

linda_lam 發表於 2013-3-18 18:43
我唔會放棄佢架，因為係我衰淋多左水先會出事，而且我仲未見倒佢開花我唔甘心囉！  ...

有時係好難避免的, 我不嬲都係以同一方式淋AV, 幾乎係固定時間, 都係淋到佢盤低有水漏出就停止, 幾個月都無事, 但多數係星期一放完假返到公司就見到佢d 葉黑哂, 基本上呢類都救唔返架啦, 掘開d 泥至知係水多爛根,  但之前全無徵兆, 其實我諗係惡性循環, 正常時佢會吸乾哂d 水, 但一有事, 佢吸唔哂d 水, 如果再淋水就出事  

棵花禁靚，睇唔出曾死過反生喎

有心栽花花開成！

能成功救番棵花花真系好開心架， 種得好靓加油！~

花美, 連葉序都咁靚~

真係多謝你丫~
我 終於知道我棵無名係咩花啦~

我都有几株不知是浇水过多还是阳光过强，只剩下一半的叶子。看到你的花花又让我有信心啦~

linda_lam  我試過衣d case去爛葉, 去根, 轉水種一排,可以救得返!

但你睇下, 搞成咁重可以救到嗎?

abbychan02  機會好微
係囉, 呢棵係你分享的438黎, 上星期五重好好地, 點知昨日返公司就咁, 唉

頭先挖泥發覺d 泥都係濕濕地, 照計唔應該會爛根的, 但佢d 根的確係爛左


abbychan02  唔緊要, 實有生有死, 下次438可以cut葉時比過你
咁又係, 生死無常, 我地都唔知下一個鐘頭會點, 何況係花, 但種到佢塊葉仔咁大, 更係有d 唔捨得架, 但都無計, 多謝你的慷慨