美國種蕃茄？

大家好，我本身除左細細個發芽菜之外，可以話乜都未種過…
我依家自己一個住美國中部，買左十幾個蕃茄，不過等得耐，有部份已經爛左。
我就諗，呢度地方大，又有個露台，我可以拎種子出黎試下種蕃茄，
於是我就上 Amazon，買左泥、肥料、Start Pot、水壺、3-piece 工具、剪刀。
（呢度搵唔到花生麩／骨粉，我買果隻肥料係 2-7-4，泥就係 Starting Mix）

問題是，我呢度溫差好大，外面同一日可以由攝氏 -2 至 22 度不等，
多數都接近零度，而室內都有陽光照到，但就有暖氣長期攝氏 20 度以上。
現階段，我係唔係應該將種子放室內發左先，然後再分株放室外曬太陽？
另外，我有好多網購的大紙皮箱，適唔適合用來種植？

有少少長，多謝大家。

蕃茄好似太凍會生長緩慢......怕你重好耐都冇野食
(都係新手,講錯的話,咁多位CHING請更正)

蕃茄生長適溫約15-30度，播種約20度左右，現在可能太冷了
（不知道你的是什麼品種，我只以一般香港種蕃茄情況評論而已）

我上網查過，呢種蕃茄應該係 vine-ripened tomatoes, 品種係 Big Boy Hybrid.
如果室內種係唔係會細棵好多？

照計室內種唔到大蕃茄, 矮種迷你茄都得嘅,但都要陽光充足先得, 而且蕃茄開花結果時要大量追肥,真係要搞有機的話就預左同蚊知長期作戰,不過maybe你個邊夠凍冇蚊知嘅

-2 至 22 度.....可以day time 搬出露台，夜晚搬入堅嗎？
我用一隻爛美國番茄，發左幾十棵出嚟，最後要留較粗壯既，我露台都有種一棵，打緊花，
會比落田種慢DD，同瘦D，但盆最好深D，比12號盆深，同埋1個盆一棵，
我覺得應該種到，試吓囉，玩吓之ma!

夠凍，不如試埋種荷蘭豆，蜜糖豆同菜呀！

一般都是在屋內或溫室播種等小苗長大到一定程度才移植到室外.  另外佢地好鍾意用枯樹枯枝做 compost, 話不會像有機肥那麽多蟲. 順便問下, 一個人住美國會不會好悶?

CF_HK 發表於 2013-3-17 12:16
一般都是在屋內或溫室播種等小苗長大到一定程度才移植到室外.  另外佢地好鍾意用枯樹枯枝做 compost, 話不 ...

都幾悶架，出街冇乜活動，星期日舖頭全部唔開，唯有四圍影下相，上下網咁樣。

shibatong 發表於 2013-3-17 20:47
都幾悶架，出街冇乜活動，星期日舖頭全部唔開，唯有四圍影下相，上下網咁樣。 ...

咁得閑多D上黎交流.  你是住在中部的城市還是小鎮?

網購啲大紙皮箱就唔好用啦,你要加水去啲泥,好快啲紙皮箱就用唔到
你到summer會去到幾多度?