有乜辦法可以令棵木瓜樹不再長高 ?

有乜辦法可以令棵木瓜樹不再長高 ?
以前都種過一棵, 長到成2樓咁高, 怕打風時吹倒, 所以斬了.
現在的都布6尺高, 唔想它再高落去.

斬 ....

我咁多年種的所有最高都是約~10呎, 2樓咁高? 約14~15呎高...但都曾經都見過有。其實採摘都好唔方便
我估....除品種原因外, 給多些橫向生長空間...是主因吧

植物本性如此，我沒有逆天能耐。

這次真的唔想斬, 所以睇下有乜辦法控制它不再長高. 我見人地d木瓜都係5-6尺高, 仲有好多木瓜.

我的木瓜現在只是小苗，才一尺高，等它再大点便要我老板收留

我的花園日照好足夠, 從早到晚都有陽光. 應該不是日照不足問題.

我見啲園友都有種木瓜,依家高度未到5尺,樹頂闊到未夠1米都開左好多花,佢哋話係矮種,上星期響花墟都見到有一棵呢啲矮矮既賣

品種問題, 一般都是高身種, 無辦法!

奇想:好似古代女仔扎腳咁得唔得呢?

之前我嬸嬸教 :
在離地一呎位置在樹身釘一粒釘可阻止它繼續生高, 我自己未試過, 所以不知是否真的有效.

曾在郊外見過木瓜樹受傷斷裂之後新生的樹幹變成橫生而不是向上生，一樣能結果。有前輩花友說東南亞有些地區就是用此原理為木瓜做手術，令栽種的木瓜打橫生，方便採摘。
不知是否真有此事？

我個好prof.既鄰居都種左幾棵papaya樹長得好高, 佢舊年在一半的位置斬左佢, 我見今年在樹幹斬的位置出了二枝新主幹還結了很多木瓜添(棵木瓜樹外型好似個丫咁) ,等我有空影張相你參考吓

ilovemonchhichi 發表於 2012-11-2 16:28
我的花園日照好足夠, 從早到晚都有陽光. 應該不是日照不足問題.

可能附近多植物掙陽光, 我種過三四尺就有木瓜啦!!要勁晒環境附近無高的植物..^o^

係品種問題~~我都幫過某農場斬木瓜樹,如樓主所講一樣超高,我們要合力斬樹,一個要幫手用繩子縛住棵樹,一班人就準備拉住條繩,我就操刀斬,一斬班人就要拉棵樹到想落的位置,以免棵樹壓倒其他農作物~~

至於話"在離地一呎位置在樹身釘一粒釘可阻止它繼續生高"~~
其實係想棵公嘅木瓜樹變乸木瓜樹,因公結不到木瓜
為免長大後先知木瓜樹公定乸,可以挖開木瓜樹苗的根部看看,看根部可以知道公定乸~~

是不是你有幾棵木瓜樹種在一起相隔很近？
上次我係田裡想將兩棵木瓜苗移種時
農主叫我分隔開一D先移苗
如果唔係就會長好高摘果唔方便咁話喎

"曾在郊外見過木瓜樹受傷斷裂之後新生的樹幹變成橫生而不是向上生，一樣能結果。有前輩花友說東南亞有些地區就是用此原理為木瓜做手術，令栽種的木瓜打橫生，方便採摘。
不知是否真有此事？"

我姐夫媽咪有棵木瓜樹都O係大約5尺高比人斬左,然後左右打橫生左兩枝出黎,摘果勁方便!!

我上堂聽過導師敎。但本人未試過。只可作參考。
當木瓜樹苗大約有八吋高時，將主根剪餘約兩吋。
咁棵木瓜主根傷咗之後，棵木瓜就唔會長得太高。

金剛 發表於 2012-11-2 18:22
係品種問題~~我都幫過某農場斬木瓜樹,如樓主所講一樣超高,我們要合力斬樹,一個要幫手用繩子圍住棵樹,一班人 ...

睇根就知，我都想學呀。
我只聽過，如果同一批發芽木瓜苗，選擇比較粗矮會係乸樹機會比較高。
同如果自已留種籽，亦都要選擇木瓜底部種籽，得到乸樹機會亦係較多。
唔知係咪呢？
因為有基因木瓜呢樣野，所以我都無種......

其實有無矮種木瓜呢？如果有改種囉！個種係咁又幾難唔高喎？換個角度諗你比架營養好囉！種到咁都好令人羨慕。