泥的問題

想請教一下, 如果要種植瓜菜, 泥土方面要如何分配呢?

假設10係完成的泥土,

咁科學泥佔幾多, 塘泥佔幾多, 沙泥又佔幾多呢?

若果某一種成份太多又會有如何反效果呢?

係咪科學泥太多會令泥土過於肥沃?

塘泥太多會令泥土過於濕潤?

沙泥太多會令泥土過於乾旱呢?

62話d泥太多石, 要把所有石拿走. 咁其實石仔係泥土又係乜野角色呢?

唔好意思, 因為我唔明我62套理論, 一時佢又話太旱, 一時佢又話太濕.

家用...一般會用科學泥, 如果要有機種植, 可用外國進口的有機泥, 塘泥會用來種蓮花, 沙泥是在田種植用的泥

你是天台種植嗎?用盆種嗎? 關於介質的比例要看你種甚麼植物而定，種菜如果在天台種,田裡的泥土會比科學泥較重,樓齡大及大量種植建議可用科學泥，當然田泥的成本較細,種根部農作物在比例上可多些沙~~

我是天台種植, 有花槽.
現在蕃茄, 絲瓜, 青瓜都發芽中,
舊泥現在日日曬,
想知泥應該如何分配.

上次種苦瓜, d根最後死了, 62說我下了太多肥...
1星期下一次都太多???

可以幫幫我嗎???

dlmhongkong 發表於 2012-10-15 20:01
可以幫幫我嗎???

其实你不用太介意泥土的比例，我試過花墟的黒泥，包水性不好，小苗好容易缺水死亡。如果你有塘泥，又有科学泥，你可以混合2者，塘泥粘性大，不适合种菜，但适合種根系发达的樹，你可以用1/3塘泥+科学泥来種菜or瓜。  愚見，說错了請别見怪。

十分感激你的見議, 會多加留意!!

金剛 發表於 2012-10-9 19:32
你是天台種植嗎?用盆種嗎? 關於介質的比例要看你種甚麼植物而定，種菜如果在天台種,田裡的泥土會比科學泥較 ...

我係天台種，無諗過重量問題，而家先醒起 有5個發泡膠箱同30多盆（一個16吋，其他都係10，12吋同細盆), 用黃花沙，黃泥，河沙，培養土，黑泥，會唔會過重？未用過科學泥，科學泥其實係乜野成份？黑泥係咪太肥 ？我就黎種櫻桃蘿蔔，可唔可以用黑泥？好多問題，麻煩晒金剛大師！

yukyo 發表於 2012-10-23 18:15
我係天台種，無諗過重量問題，而家先醒起 有5個發泡膠箱同30多盆（一個16吋，其他都係10，12吋同細盆), ...

不會過重~~依個喺想在天台搞農莊要考慮的問題
科學泥的成份內含椰糠、蛭石等不同植料,可增加保水和透氣作用,部分或會加入化學肥
真正的黑泥是表土即腐植土,可做栽培基質,櫻桃蘿蔔的泥土ph值要求為6-7,只要泥土鬆軟而排水良好就可以