你地會點對付唔生仔的葉片?

四個月了，重係冇野睇; 其他的葉片都已經仔女成堆。  放在光照最強的位置， 定期加20-20-20, 只係見佢地越黎越肥。

修葉強弱，品種，氣溫都會影響發芽時間～
而且有前輩會將修葉剪去一角，避免修葉吸收養份後自已不斷長大因而減慢發芽速度~
但剪修葉要留意清潔及消毒，否則有機會會令其受細菌感染因而壞死～

你是如何切葉柄的？如果是葉片是同一個品種，可以考慮嘗試把其中一片剪掉一半，刺激它一下。

我有兩塊137在五月插葉，我依家都未有葉仔！

我係7月插葉3棵,到宜家得1棵出左葉仔...其他冇動靜
唯有耐心等候~
你都要加油

我都試過插葉等4個月都未生葉仔, 我覺得只要母葉健康都可以等.
你d葉睇落好健康, 再等等啦, 加油!

其實係咪插泥好過插水架~??

我插水C左好多喇~

jose666 發表於 2012-10-6 22:20
我插水C左好多喇~

其實我覺得溫度先係最重要.泥同水都ok的

建議最好先用火酒消毒左把cutter，先好用黎cut葉~　

多謝指教~

之前三個月咁熱，都唔係插葉季節，係呢兩個星期涼返啫，應該快有苗咖喇

我試過用cutter輕輕喺葉柄垂直cut一刀，都有用架！

就咁喺泥面嘅葉柄cut小小一下就得架喇，我自己心入面認為喺泥面上有個位俾小葉標出黎

BRONNLEY 發表於 2012-10-7 21:08
就咁喺泥面嘅葉柄cut小小一下就得架喇，我自己心入面認為喺泥面上有個位俾小葉標出黎 ...

但我之前唔知係邊度睇到,新葉唔會係傷口度生出黎架喎...
唔知我有冇記錯呢,等前輩們回答

siuhamster 發表於 2012-10-7 23:45
但我之前唔知係邊度睇到,新葉唔會係傷口度生出黎架喎...
唔知我有冇記錯呢,等前輩們回答 ...

哈哈其實又唔係真係喺個傷口生出黎嘅
不過我見塊葉又冇動靜，所以俾啲變動刺激下佢又唔使切左啲根由頭插過咁囉
之前好似有花友話過，插葉唔插好深的話就會快啲生葉仔
我當係同一原理咋... 係唔係100%正確就唔知了，不過總算cut左咁多刀都work架~~

Juna  咁係唔係在你cut的位置出葉仔?

嗯...坦白講呢，我冇為意係唔係真係嗰個位生出黎架，因為我啲插葉係平日放喺公司用試飲杯俾獨立溫室佢地，放埋一邊等冇咁多人喺度嘅時候先拎出黎睇下咁（費事俾老闆話我無心工作嘛）

通常都係cut左一刀過兩三星期一拎出黎再睇已經生左好多葉仔，不過啱啱睇左最新喺溫室解放出黎嘅葉片，係喺切口嘅最底近泥位置生葉仔出黎架

我覺得等下好d, 都等左咁耐都唔差在啦, 要同塊葉仔動手術始終有一定風險的

siuhamster 發表於 2012-10-7 23:45
但我之前唔知係邊度睇到,新葉唔會係傷口度生出黎架喎...
唔知我有冇記錯呢,等前輩們回答 ...

AV的生命力其實超強，只要環境溫度濕度適合，它怎也會長起來，即使葉柄折了幾乎斷開兩截，傷口都會癒合，而且還會長出新芽嚟添，有相為證架, you see   ，我那棵AV插葉在7月時被我唔覺意 hi 親，幾乎斷開兩截，之後我將它放在靠牆位置讓它可以托著斷葉柄，當時都是抱著姑且一試的心態來救救它，估唔到約一個半月後突然發現在傷口癒合處長出小芽來，真係超奇啊!
還有，只有葉柄有小小的傷痕，它都會長葉芽，真係好趣怪!

跟大家再分享早前我插的一塊葉 Melody Girl, 當我看見它一日多一芽時真的有點頭暈，不知點樣處置它，後來都是要犧牲幾個來成全最健壯的，再來無根插泥，又給我試成功了，看見這種情況有時都覺得幾好玩，好有挑戰性!

梅谷花子 發表於 2012-10-8 15:56
AV的生命力其實超強，只要環境溫度濕度適合，它怎也會長起來，即使葉柄折了幾乎斷開兩截，傷口都會癒合， ...

purplestar, 祝你成功!