本帖最後由 kkhope 於 2012-11-11 11:40 編輯
網上轉載 :
良心老闆日派 500飯盒
北河燒臘飯店東主陳老闆以平價飯服務深水埗區低下階層,為窮人爭取喘息空間
深水埗區有無數個草根階層奮鬥掙扎的故事,幸好區內還有不少仗義的無名英雄,繼早前《蘋果》報道賣 1.5元平價麪包的魏氏夫婦之外,一位人稱「高佬明」的燒臘店東主也是其中之一,他賣的盅頭飯 14元連菜,外賣兩餸飯只售 16元。他也與社區組織協會合作推出飯票免費派飯,每日為 500名窮人爭取到喘息空間。官僚政府冷眼旁觀,民間惟有自救。
位於深水埗北河街的北河燒臘飯店門外,經常人頭湧湧,在這裏排隊買飯的人,不是慕名遠道而來的「食客」,而是附近為求飽肚的貧苦街坊。正當如大家樂等連鎖店的飯餐動輒索價逾 30元的時候,這裏的盅頭飯只售 14元,附送蔬菜;兩餸飯、燒味雙拼飯,都是 16元,二十多款現成餸菜任選,魚肉菜樣樣齊,白飯大大盒,一個人也吃不完。
28年見盡深水埗人與事
「我呢度啲飯餐,比區內其他飯店平三至六蚊,低下階層,平得一蚊就一蚊。」 59歲的陳灼明, 83年來到現舖打工做大廚, 28年間見盡深水埗的人與事。 95年舊老闆退休,陳與幾個夥計合夥頂了該舖做老闆,十多年前轉營主打平價飯餸,服務貧苦大眾。「深水埗窮人多,單親家庭、新移民、貧病老人、露宿者等等,賣平飯等佢哋可以食飽啲繼續面對生活。」有此理念,源於陳灼明也捱過窮。在內地出生的他, 13歲時父親過身,遺下母親及六個弟妹,靠他外出打工養家,每次出糧 30幾元工資,買米已用得一乾二淨。「當年我哋成家幾個月都食唔到一餐早餐,試過有長輩畀一毫子我哋,去粥店叫咗一碗白粥,成班兄弟姊妹一齊食,好開心!」陳老闆統計過,幫襯他買平飯的低下階層,每日有四五百人,他們食飽飯滿足離開的樣子,都轉化成堅毅的原動力。
老闆人工每月僅一萬元
通脹如虎,食材加幅以倍數計,又遇加租,要堅持下去難度不少。盅頭排骨飯當年最平賣 8.5元,排骨食材正是 8元一磅,現時已加至 16元一磅,盅頭飯只好加價至 14元,卻仍追不上通脹;叉燒的梅頭豬肉,當年一箱 300多元,現在要 800多元;最基本的白米,以前 190元一包,現在也要 460元一包。「非不得已我都唔加價,只有喺其他地方節省開支,每日 10點開工,夜晚 12點收工,通渠、整冷氣,維修一腳踢,慳得就慳。」現時店舖每月月租逾 9萬元,業主最近也要求加租 5,000元。「我要求唔多,每個月出夠糧畀員工,維持到舖頭營運,剩低嘅夠我生活就可以。」陳老闆與另一股東「月薪」只有 1萬元,比部份員工還低。
08年底,香港社區組織協會與陳老闆合作推出飯票,免費向窮人派飯。協會幹事陳紹銘表示,由 08年起獲利希慎基金每月贊助約 1萬元,換成約 500張飯票,分發予有需要人士,每張票可到北河燒臘飯店免費換取價值 22元的三餸飯餐連湯水。協會負責 20元,陳老闆補貼 2元。
除此之外,協會也有透過不同的慈善基金及民間捐助,舉辦不同計劃協助區內有需要人士及家庭,例如書簿費、奶粉及超市現金券等等,為草根階層爭取喘息空間。
34歲的何女士居於深水埗大南街舊樓一個百餘方呎的「劏房」,丈夫在 08年底因肺病去世,遺下她和 11歲的長女,以及當時仍在肚內的幼女。孤兒寡婦只好靠約 3,600元綜援過活,每月單是房租都花了大半,餘下的根本不夠一家三口日常所需。「好在社工每月畀 30張飯票我,囡囡發緊育好驚佢餓親,每日攞一個三餸飯夠我哋食。」
42歲的王女士,與 15歲的女兒及 10歲的兒子住在通州街一間百餘平方呎套房,丈夫在 02年肺癌去世,三人頓失所依,自己及女兒又未住滿 7年,三人只好依靠兒子約 3,600元的綜援維生。「呢度每月租金千八蚊,如果唔係有社工畀嘅飯票,剩低嘅錢根本無法生活。」
《蘋果》記者
malike 當日看到這段報導時, 亦深受感動! 感謝提供!
我都覺得這個老闆好令人敬佩!!!希望這個世界有多啲咁嘅人 ^_^ ~ |