第一次種嘢，請教換盆問題！

我係新手，第一次種嘢好多嘢都唔識！我兩個禮拜前一次過放咗8粒泰國白茄子ge種子落lee個直徑13cm的盆入面，今日已經有6棵2cm高ge苗仔生咗出尼！請問幾時要換盆？同埋點換法？幾多棵一盆？幾時開始要落肥？落咩肥？點落發？仲有淋水，我而家係每日淋，咁係咪啱ge呢？懇請各位賜教賜教！謝謝！

6棵2cm高苗BB

我哋好迫呀！

你的泰國白茄子種子喺邊到買架？出苗率高，又快趣出出苗。

今日有兩棵苗開始想出第三塊葉喇！究竟幾時要換盆呢？我怕佢哋啲根喺個底度纏埋一齊分唔切呀！有無人可以教教我？

幾時要換盆？   而家可以換盆。

同埋點換法？   用小鐵鏟小心把小苗連根及小部份舊泥一起搬過新盆泥土中。（新盆泥土中央首先挖一個同樣面積小穴）

幾多棵一盆？   一盆一棵。（茄子可以生長到兩三呎高，嗰新盆都要大的架，約四加侖膠水筒以上咁大）

幾時開始要落肥？   先在新盆泥土落肥加的水兩三日後種嘢。

落咩肥？   有機合成肥料。

點落發？   先落與泥土體積約五十比一肥料撈雲，其後格一二個月再追肥（加一杯到入泥中）

仲有淋水？   每日早晚淋小小水。（落雨天唔使淋，用手摸泥土太濕唔使淋）

希望幫到你lar。



唔等都得架，不過我驚的肥料溶解時發熱會燒傷的苗根。

看到我心思思都想種番幾盤......

经验啊... 向楼主学习

cehuoreee 發表於 2012-6-13 21:26
经验啊... 向楼主学习

請問誰是樓主？

alex298 發表於 2012-6-13 21:22
看到我心思思都想種番幾盤......

種啦種啦！原來日日睇住盆嘢有成長係會好開心ga！

dick168 發表於 2012-6-13 20:12
幾時要換盆？   而家可以換盆。

同埋點換法？   用小鐵鏟小心把小苗連根及小部份舊泥一起搬過新盆泥土中。 ...

多謝dick168答得咁詳細啊！  請問「追肥加一杯倒入泥中」係咪即係都係用50比1分量的肥，但係再溝水之後至倒入啲泥咁解呢？如果我包泥話「已添加有機質肥料」，咁係咪都係照溝50:1基肥呢？
另外我想問faylo提及的「熟肥」係咩尼ga？

Sze 發表於 2012-6-14 16:49
請問誰是樓主？

「樓主」ge意思即係發帖人？唔止種嘢，連使用lee個網站都要努力向大家學習啊！

Sze 發表於 2012-6-14 16:56
多謝dick168答得咁詳細啊！  請問「追肥加一杯倒入泥中」係咪即係都係用50比1分量的肥，但係再溝水之後 ...

合成有機肥料使用堆肥製造，利用天然的方法處理。良好的肥料使用堆肥方法，通常是由動物的糞便，植物的莖葉或者經過處理的污水合成的。

巿售之合成有機肥料大部份已經堆製成熟後才出售，呢的就叫做熟肥。為防新苗不適應，通常混合泥土擺放一二天後、才移苗落去較為保險

Sze 發表於 2012-6-14 16:56
多謝dick168答得咁詳細啊！  請問「追肥加一杯倒入泥中」係咪即係都係用50比1分量的肥，但係再溝水之後 ...

「追肥加一杯倒入泥中」            是用一杯純肥料、倒入花盆上邊四週，再加小小泥蓋著。

包泥話「已添加有機質肥料」     信唔過佢、當佢冇到，再加的基肥冇影响架。

dick168 發表於 2012-6-14 17:20
合成有機肥料使用堆肥製造，利用天然的方法處理。良好的肥料使用堆肥方法，通常是由動物的糞便，植物的莖 ...

係咁如果我直接用渣完豆漿的黃豆渣做基肥得唔得？係咪炒乾晒佢變粉就可以當合成有機肥料用呢？定係炒熟咗就會變成熟肥了？

Sze 發表於 2012-6-14 17:41
係咁如果我直接用渣完豆漿的黃豆渣做基肥得唔得？係咪炒乾晒佢變粉就可以當合成有機肥料用呢？定係炒熟咗 ...

黃豆渣應與泥土混合後、再堆放三個月以上才成熟，炒熟喺唔得嘅。

dick168 發表於 2012-6-14 17:48
黃豆渣應與泥土混合後、再堆放三個月以上才成熟，炒熟喺唔得嘅。

原來要發酵三個月？好在問咗大家，唔係我就會親手殺死晒啲苗苗仲要唔知發生咩事！ 真係多謝大家呀！ 但係如果每隔一兩個月要再追肥，即係倒肥料落泥面四週，再加小小泥蓋著，咁啲泥咪會越尼越高？請問一杯肥料ge分量即係幾多？換盆時啲泥要入到個盆ge幾高？苗又要種落幾深呢？

Sze 發表於 2012-6-14 18:32
原來要發酵三個月？好在問咗大家，唔係我就會親手殺死晒啲苗苗仲要唔知發生咩事！ 真係多謝大家呀！  ...

但係如果每隔一兩個月要再追肥，即係倒肥料落泥面四週，再加小小泥蓋著，咁啲泥咪會越尼越高？
拿走小小便可搞定lar。

請問一杯肥料ge分量即係幾多？
大約0.1Kg。

換盆時啲泥要入到個盆ge幾高？
大約85% 高。

苗又要種落幾深呢？
唔可以太深，應該保持原來小苗露出泥面之高度。