有種香草既朋友請留意:
今天半放假, 超開心。想起草民兄的問題加上其他花友的post, 特此開此post
香草越多肥越唔香我經驗證實過是70%對的:
原因從網上得知有待調查:
a) 生長速率過快, 植物身體與水份的比例不平衡 (谷肥谷過多水份多高得快)
此問題尤其出現於施無機肥, 甚至"非堆肥"。
b) 肥料裡面的化學物質(包括機肥) 會影響香草的"含有化學物質結構", 某化學物質缺少了, 如那物質是構成香味(食味)的話, 香草會變得不香或減香
但我做過實驗就是某些較受肥的香草/香料不特別受肥而影響:
shallot, scallion (chinese green onion), onion, ginger, garlic
不需要太多肥料的例如basil, dill, lemon grass, thyme, rosemary 等植物如有過肥情況會形狀生得非常奇怪, 太多分支, 葉太濃密, 簡單說會K型。
而泥方面所有香草都需要疏水的泥土, 而很多初心者種死香草我經驗來看有一下幾個問題:
陽光不足 -
a) 太愛護香草, 其實香草是情人, 你太愛她會有反彈, 情人會走, 香草會死
b) 香港居住條件差, 不是每家都有充足陽光提供, 而大部份香草(農業植物) 都需要全日照, 那麼結果是死香草/植物身體變得軟林林, dub頭, 打橫生。
沒有疏水的泥土 -
很多初心者會選用培養土/科學泥來開始種, 而完全無想過去溝泥溝沙。
種子其實需要較多能量來爆, 但發芽之後很快因過多肥而瓜老襯, 又或者泥土太多水而死 (通常剛買回來或剛落種子會日望夜望好似新大陸一樣) 科學泥不單無機, 更可以說不適合香草, 必須溝沙, 碎石底等。 其實就算rosemary, thyme, sage 等不需要多水的香草, 雖然他們接受甚至喜歡較乾的泥土, 只要你用的泥土溝沙/石夠的話, 其實林多多水都無問題, 只要盆底不積水過1個禮拜都不會死。
當然有些香草如chervil, parsley, any kind of mint, lemon balm, dill 都很受水, 尤其chervil.
空氣不流通有蟲 -
最典型都算紅蜘蛛了, 無風好快就會蔓延, 而你既香草就會無下1D無下1D。 如有條件儘量有時間囉去晒囉去吹。
氣候適應 -
小弟之前跟朋友談過, 很多人種香草種極都死, 有越種越少等問題。其實有機會係氣候問題, 不單講氣溫, 是長時間的氣候及濕度。
例如chamomile的葉如果生長於香港潮濕的氣候很容易爛, 所以冬天時他們會開心很多。 當然大家都知道大部份的香草都偏向較涼的氣溫, 可以說是越凍越好 (除了ie. basil, lemon grass, perilla)
問題的核心在於植物的爸爸媽媽本來不是香港人(亞洲人), 甚至如果你買盆來種跟本香草本身都係外地人, 而本來生長於歐洲地方適應習慣歐洲氣候突然移民到香港, 變化可以說是兩極 (冷變熱, 乾邊濕等)。所以我亦試過同樣問題幾次: 從city sxper買回來的thyme, 種極都死, 之後換用種子種, 點殺點乾點晒都生得靚。
所以我有兩個小結: a) 建議用種子種 (我的經驗是100%無一包種子試過不發芽) b) 如果買種子最好買亞洲生產的種子, 因為他們的爸爸媽媽是亞洲人, 上幾代都係亞洲人適應好亞洲氣候, 容易發芽及以後的生長及香港的適應。
總括尼講, 香草越賤越開心, 所以各位新手尼問問題時見倒有D老手話: "我都唔理佢地自生自滅生得不知幾靚" 呢D說話並非晒命, 而係香草本身系妹仔性格, 對佢地太好會有反效果。
如有錯的地方請指出免得各位跟我一齊錯
祝各位種香草/香料的朋友成功 |