Basil 羅勒種植請教

BASIL是從種子落苗盤再移到目前的花盤。 泥是黑土加靚土1：1混合
看種子包說植株要20CM距離，所以目前咁都叫密，
前幾天買了三個大盤，但如按約20CM距離植株，勉強1大盤都只係得6植株（2行每行3株），我今天整完連埋舊盤都未夠，都仲有十幾棵苗餘下。佔了不少地方，頭痕是否再買盤回來。

想問一下各位，查實係咪可以種密D？ 我見有幾位花友種得似都好密，一個圓花盤都有十幾株BASIL。
因我係新手，所以都係睇說明指示做。

其實你是否要考慮想種多少?
種密一點可以, 只是較為瘦弱,
如果你真的有需要. 多買盆來種, 若不需要這樣多可以分享給其他人種.

你一個盆最多種到2株!

謝謝, 初學試用苗盤, 發芽率很高, 所以失了點預算
明白, 密一點會瘦弱, 那我按原有指示先種看看
多出的會分給朋友, 也會考慮怎樣分給這裡的花友, 因我有在這分享版拿了不少種子呢
如果拿苗給人, 用一個小紙杯裝著充夠嗎? 還是有什麼技巧請指教, 因唔想途中令小苗夭折. 謝

samkee 發表於 2011-9-4 23:42
謝謝, 初學試用苗盤, 發芽率很高, 所以失了點預算
明白, 密一點會瘦弱, 那我按原有指示先種看看
多出的會分 ...

用紙杯盛載可以, 羅勒都幾粗生.

gunbuster363 發表於 2011-9-4 23:41
你一個盆最多種到2株!

一盤只2株?

我買的新大盤像相中的右上角的,   種了2行每行3株, 我都知未達指示20CM株距, 都也空間多了不少
泥也加高了, 約為盤高的4份3
明天影張相給大家看看, 看是否需要再減少株數.
謝謝

samkee 發表於 2011-9-4 23:51
一盤只2株?

我買的新大盤像相中的右上角的,   種了2行每行3株, 我都知未達指示20CM株距, 都也空間多了不 ...

我想他的意思是長大後1個盆種2棵,因為羅勒長大後是可以很大棵的.你依家既仲細棵,可以等佢地邊長大邊觀察,慢慢揀走d生得唔好,冇咁壯或形狀唔好既,只係留低d生得靚既係度,到時我諗你剩底係度既都唔會太多.暫時你都唔需要太擔心(以上係睇書所得,有錯請指正)

種密D每株都會細D，葉又細D小D...種一株一盆...佢會長大好多...我自己計落一大盆，頂到五株細盆(我自己種果D)


以前用細盆種，三株種一個長盆



用20CM盆種一株，佢可以生到心口咁高。我種一株就夠食。一株20CM盆己經係極細，佢D根生到全個盆都係，其實都唔多夠泥用，要密密澆水。


只係剪頂，己經夠做一次青醬(一個中型果醬樽)。生長旺盛期3-4星期收一次葉。

ckck
你d青醬整完點保存?
係咪好快食完佢算?

多謝各位意見，附圖移盤後的情況，今天度過，株距夠20cm， 行距有約16cm， 都勉強合要求。

原來一株可咁大株，那我也不用種這麼多了，可能最後係留1盤2-3株便可，是用來做醬炒意大利粉及其他煮食用途，夠用吧？
係新手自然犯了新手的錯，以為種多就好，搞到失晒預算，不過都係一個好經驗，家下用苗盤種都係每樣少許，如蜜瓜都係下2粒種子先，唔得先再試。

其餘的會分給朋友及在分享區POST了。

虫網係新學樣樣都試，因前排有棵樹有虫害所以小心為上。花園整個上午都有陽光的， 所以我諗夠日光的。

也想問一下種到咁大棵有乜要注意呢？因我看了某些帖說BASIL係1年生，開花後就會枯死。也不太明白，請各位指教。

samkee 發表於 2011-9-5 20:34
多謝各位意見，附圖移盤後的情況，今天度過，株距夠20cm， 行距有約16cm， 都勉強合要求。

原來一株可咁 ...

我自己做法...

種到大棵左，有少少似樹咁，我就會將底部接近泥既枝葉剪走，葉無咁近泥比較通風。
架外種到似樹仔咁時，佢好多葉，睇起上黎似個球....咁係球中間既小枝葉我盡量剪走佢，都係為左通風。
因為唔通風就易有小昆虫，我家咁種除左潛葉蠅外都好少有其他虫。所以無落虫網，因為我係二樓，基本上己經少左虫架喇。


佢大少少我中意咁樣剪....就係長成後樹仔隻腳既樣....之後佢長大就不停剪頂，同埋剪清基部小葉。



變成樹仔，基部係咁樣，基部佢會生小枝同小葉，我都中意剪清。


剪左中間既枝同葉，上面望落去就會好似依棵紫蘇咁樣...

=====
你依家種，天氣開始涼會少D虫架喇，但陽光又會比夏天少，我建議你唔洗用虫網，比佢吸收多D陽光，佢會香綠D香D架。

我自己一般係春夏天種，秋天收種子，冬天就做瓜佢.....

因為佢中意熱，中意有陽光，夏天係生長期....一般春夏天根生定左，我會一個月落一次固體肥，7-10日落一次液肥。
佢D葉就會生很好快架喇....

固體肥我買外國固體有基肥(寫明葉用、蔬菜。)，液肥我會自己吽...花生麩水、廚餘酵素、或者可以買花墟果D葉用有機液肥。

一般人都會話香草唔洗落肥，但因為用盆種，同地種比營養係少左架。
另外，我自己感覺，葉多不停採收既植物，就算係香草，都應該比D肥，因為佢用得肥多D。

但其他香草就要小心用肥，因為有D香草落肥秋多會醃死....一定要睇香草種類。

按花園仔老師POST指導做左個大型防蟲網，通氣D， 早上又容易打開個網晒多D太陽
最後都係留2棵左右，其餘會送俾人。要空番D盤及地方來種瓜菜
在分享網出左POST分享了，有興趣可看看，如有花友有ROSEMARY枝或種子也請分享，謝謝

cklife,
已可以剪了？剪頂係什麼意思呢？是指可剪最高果幾塊較大的葉嗎？
最頂的小葉是不用剪吧？那是否叫頂芽？剪左就不生高了，對嗎？我係新手，乜都唔識，見步行步咋。

samkee 發表於 2011-9-16 11:17
cklife,
已可以剪了？剪頂係什麼意思呢？是指可剪最高果幾塊較大的葉嗎？
最頂的小葉是不用剪吧？那是否叫 ...

就係想佢唔高, 向橫生好, 多D分枝

lola 發表於 2011-9-16 12:37
就係想佢唔高, 向橫生好, 多D分枝

明白，咁係生到幾高？定或什麼標準判定呢？
係咪剪走最頂果個細葉芯？

係呀,剪個葉芯,就會生分枝了;否則便會不斷向上發展,瘦猛猛,風大也會被吹倒.
多謝分享!

咁現在都唔係好高咋喎，因為我最後應只留2棵，其餘會送人，有剩採晒D葉就做堆肥，所以等生高D再剪頂吧

samkee 發表於 2011-9-16 15:03
咁現在都唔係好高咋喎，因為我最後應只留2棵，其餘會送人，有剩採晒D葉就做堆肥，所以等生高D再剪頂吧  ...

我會找一棵試剪, 在最底的一對葉上落剪, 因為橫枝在這些地方長出, 你有禁多, 咪找一棵試下囉

lola 發表於 2011-9-16 17:01
我會找一棵試剪, 在最底的一對葉上落剪, 因為橫枝在這些地方長出, 你有禁多, 咪找一棵試下囉 ...

謝謝，那我可以找棵來試試。哈，還有很多要學，謝謝各位指導

比你參考...睇到最高個丫叉位嘛....就係剪左頂...d側枝就會生壯d....一樣會向上生同生長....
所以唔係剪頂個位幾高...棵植物就只有咁高....

剪頂其實亦係控制將來主莖既長度，依個你可以自己喜歡，遲d剪都得...睇你中意幾高啦...

唔剪頂佢就一枝咁生上去，剪左就兩枝生上去.......而下邊一d既側枝都會長大生上去....

其實我自己做法，生到有咁上下大棵(似小樹)就不停剪頂，咁佢就會越生越多側枝，咁咪會生到好多枝同好多葉囉...

就會好似我上面張相咁，棵野矮矮地，成個球咁，仲會有好多嫰葉添...