想問下 有冇人試過係淘寶買種子

想問下個流程係點 貴唔貴+煩唔煩
同埋係送上門 定係要去指定地方拎

註冊陶寶及有關付款戶口 > 尋找資料 > 聯絡 > 落單 > 附款 > 送貨 > 收貨檢查 > 確認收貨 > 完成
如貨物不對 / 損壞 > 聯絡 > 退貨 / 退款 > 完成  
貨物款項包括速遞費  , 聯絡時 查詢 送到上門 或 到速遞公司自取 !
有其他草友補充?

1) 開淘寶戶口
2) 開阿里旺旺戶口
3) 開支付寶戶口 (於便利店增值)
4) 選貨, 與賣家溝通及買貨 (賣家通常有指定物流公司, 直送香港大約$35首kg, 之後每kg會平d, 如果貨送住宅會有附加費)
5) 在收貨之後, 要驗貨, 如沒問題, 要login淘寶戶口確定收費, 賣方才收到錢

1）支付寶要用便利店增值要開多個淘點戶口？
2）唔想增值可直接用信用卡付款，但需付1.5-3%手續費
3）阿里旺旺是用以同店主即時溝通
4）一定要同店主確定有貨及運費才付款。送香港及多於一件貨時自動計算的運費多數要改
5）可以講價，唔一定成功
6）選擇賣家可參考銷售量及已往買家評語

有人告訴我, 种子不能入口香港噃, 我都係寄去朋友地方, 他拿給我咋, 而且运費貴, 香港有時仲会收你偏遠地區費 30-40 不等, 如果係商業地址, 就話吾加錢, 這是我的經驗.

Ivy9030 發表於 2012-6-1 01:54
有人告訴我, 种子不能入口香港噃, 我都係寄去朋友地方, 他拿給我咋, 而且运費貴, 香港有時仲会收你偏遠地區 ...

種子試過ok，肥同培養土就視乎物流公司。

種子我不知道要不要申請, 但泥, 木 盆, 植物, 都可以直入, 只要唔係一D係受保護物種就可以

http://www.customs.gov.hk/tc/tra ... s_plants/index.html
進口內地出產的植物則不受此限，而且，從其他國家進口切花及供食用的蔬果，亦不受此限。

(相信係香港已經係中國既, 限制中國咁入口, 即係似浦東唔比浦西野過黎咁卦)

記得小心D, 一定要去官網, 最好由官網的LINK再按出去, 由於已申請很久, 已忘記很多步驟, 這方面幫不到你了

第一間的淘店是在這裏網友曾光顧過後推介的,我同樣得到好經驗,
但我是選運到公司地址, 因為我就係公司種野, 屋企無地方
運住宅係會加錢的,
我有運過泥, 好重, 所以我就一定選運公司地址,

你也可用新出的服務, 係淘點的觀塘鋪, 或者OK便利店 取貨
你買得唔多的話, 不如真係試下, OK 取貨, 因可能你貨夠輕,
加上可能遇到國內免郵, 咁可能比直接運到香港住宅便宜,


選店我相信會比你建立戶口更浪費時間
你需要係呢到爬下文, 搵下有無人介紹到D好店子,

thanks you ~~

想問下 俾錢既方法係唔係係7仔/ok買淘點就得 唔洗一定要用信用卡?
同埋買得少既話會唔會行出花墟買仲平...

kcm2342011 發表於 2012-6-1 12:49
想問下 俾錢既方法係唔係係7仔/ok買淘點就得 唔洗一定要用信用卡?
同埋買得少既話會唔會行出花墟買仲平... ...

你開咗淘點戶口就可以唔用信用卡。
係買得少係仲貴，因為運費已經30，仲要計匯率。

Ivy9030 發表於 2012-6-1 01:54
有人告訴我, 种子不能入口香港噃, 我都係寄去朋友地方, 他拿給我咋, 而且运費貴, 香港有時仲会收你偏遠地區 ...

我曾經都問過「漁農自然護理署」並獲以下回覆：

從中國內地進口蔬果幼苗、種子和活生鈴蘭(Convallaria sp.)到香港的人士並不需要
向本署申領香港法例第207章《植物(進口管制及病蟲害控制)條例》下的植物進口
證，植物或種子進境時亦毋須附有中國大陸發出的植物檢疫證明書，惟請確保進口的
植物或種子不帶植物病蟲害，如發現植物病蟲害，本署會拒絕有關的植物或種子進
境、或指令進口人士進行檢疫除害處理、或銷毁貨儎。

另外，如進口的植物或種子屬於香港法例第207章《植物(進口管制及病蟲害控制)條
例》附表內所指定的受禁制植物，進口人士必須事先向本署申領植物進口證及遵守其
條件，進口的植物或種子亦必須附有出口地的植物檢疫證明書。

malodai 發表於 2012-6-1 13:04
我曾經都問過「漁農自然護理署」並獲以下回覆：

從中國內地進口蔬果幼苗、種子和活生鈴蘭(Convallaria s ...

咁就好啦! 吾該晒你呀, 我成日搵朋友幫手, 搞到我鬼 c 咁吾好意思, 不过系佢話我知种子吾入得口香港架, 佢仲主動話幫我tim.

Ivy9030 發表於 2012-6-1 13:44
咁就好啦! 吾該晒你呀, 我成日搵朋友幫手, 搞到我鬼 c 咁吾好意思, 不过系佢話我知种子吾入得口香港架,  ...

http://www.dimbuy.com/logistic/taodot-portage

淘點之下的所謂新公司, 由之前淘點物流, 成立一間新公司去做
服務大致一樣

你可以參考下, 咁樣主要係可以向不同大陸賣家, 係咁散買, 當中又可能免郵, 或者國內寄國內會很便宜, 但到香港又會好貴
之後集中你的郵件,  一次都香港, 咁就平D啦

種子的話, 2蚊一包, 香港就10蚊, 盆, 20蚊, 香港見過200, 平價的就100
我就一次都10件8件, 買空氣鳳梨都至少4件架

淘點已宣佈7月中停止充值業務，即不可在7仔、ok買充值卷。暫時只有用信卡付款，直至淘寶有新安排。