參加過兩次香草版聚會,兩次聚會我申請過奧勒岡小苗。
但兩次得到既苗都有疑問...
因為無輪葉片同香味,個人都認為係馬鬱蘭...
但兩次草友話種子包上寫明係奧勒崗...
最近去花墟買韭菜種子,就順便搵奧勒崗種子,諗住自己發下...
係繽X睇到賣外國種子既貨架....有一包係三種香草集合既...其中一樣佢寫住奧勒崗...我拎左上手諗住買...
跟住又睇到另一包係單一種子,英文寫住origan(origanum vulgare),諗住都係買單一種啦...其他香草我都有囉...
但望真D,張圖有D唔同....睇真D字....
一包三種香草果款....中文寫奧勒岡...但英文係寫Marjoram
而另一包單一種果款...中文係寫花椒葉/比薩草....英文係origan(origanum vulgare)
我估之前聚會草友分享既,可能就係果款中文寫奧勒岡,其實係Marjoram...
大家買種子睇清楚D英文呀....原來會唔同架... |