捉蟲記

請問以下兩隻蟲，點稱呼！
佢同我好Friend ，但我唔識佢？
點可以預防佢地，又怎樣消滅呀(最好用健康的方法)？
種菜初哥

蚜蟲???

是芽蟲嗎

兩隻是否都係一樣呀，一隻係綠色在通菜苗，而另一隻是淺啡在紅鳳菜。
可以用什麼方法處理？

係蚜蟲...吸食植物汁液, 吸綠色汁液就綠色

怎樣消滅呀(最好用健康的方法)？

消滅敵人、要用對佢最唔健康的方法

如果敵人數量少、可以用手指進行物理压缩
數量多、就用化學武器 (綠油油)   

曾經堅持用最天然既方法, 結果越來越多, 紅色黃色綠色黑色都有 ...
結果, 都係綠油油啦, 幾日就輕鬆哂, 最多咪等多陣先食菜囉

用水噴，再見再噴。噴唔掂先用藥。

今午趕唔切，用稀色火洒，唔知有冇改善？明天再睇情況

shrekkam 發表於 2012-3-16 23:24
今午趕唔切，用稀色火洒，唔知有冇改善？明天再睇情況

今天發覺通菜苗還有，決定重頭下種再來。
還有新發現，就連三顆嗅草都有大量芽蟲，睇來每隻都好飽足，滿身綠綠，我諗今次不得不用生化武器
上年家人買了一枝叫"多寧"農作藥物，未用過，唔知大家有咩意見？

食用植物用有機農藥，係樽上會寫住係有機農藥...無寫既就唔係...
小心太毒既農藥，使用時要萬分留意，唔好吸入或者皮膚沾上要立刻洗手，所以我都唔敢用。

我自己呢....

係初見蚜虫時，即係未野開去時，能插枝既作物就剪枝留種，跟住直接殺左棵植物，將整個花盆隔離處理。

己經野開左，有人話用牛奶噴，不過我通常都係狠心殺左棵植物，跟住會檢討現場環境。
盡量通風，減少淋水量，因為我屋企出現蚜虫，通常係春天潮濕天氣。

跟住呢....我會將其餘作物(全體)盡量採收，疏枝疏葉等等，尤其係近泥面盡量疏到能通風。

再黎就係噴野做預防，我愛用精油，有一枝自己溝既農務精油。(一般用係預防，或者驅趕蚊滋仔)
或者用醋溝水周圍噴下，間中都會用苦楝油、或者綠油油噴下做預防。
噴既時候我會全體作物一次過噴，而且會一星期噴一次，一個月當一個療程。

唔知你樽藥有無中文說明書，如果有你應該睇到佢唔係用黎殺虫....
我搵到係網上既資料，一隻叫多寧既農藥唔知係咪你果隻...
根據佢寫法，係加拿大出既，低毒性農藥，保護性殺菌劑....用黎預防病菌...可對付霜霉病、黑豆病等...
即係未發病時噴定，用黎預防病菌...仲話唔會殺到天敵同有益生物...即係唔殺虫囉...


加拿大龍燈集團農化部與西班牙艾克威化學工業有限公司共同開發的新型廣譜高效保護性殺菌劑。
多寧的特點主要表現在以下八個方面：
1、殺菌譜廣，既可防真菌性病害，又可防細菌性病害；
2、殺菌力強，既含銅離子，又含鈣離子，且結構合理，故殺菌力強；
3、使用方便，劑型為超微粉末，懸浮性好，易與水兌和。並可與大多數殺蟲、殺菌劑混用；
4、藥效期長，可達15天左右；
5、毒性低，可安全使用；
6、對作物安全，按正常濃度使用無藥害；
7、對天敵及有益生物無害，不會誘發紅蜘蛛；
8、多寧中含銅、鈣離子具有微肥作用，能增加植物葉綠素，增強光合作用，提高抗病力，有一定的增產作用。


多寧主要用於防治葡萄黑痘病、霜黴病等。

資料來原︰http://zhidao.baidu.com/question/155945028.html?push=ql

cklife 發表於 2012-3-17 11:21
唔知你樽藥有無中文說明書，如果有你應該睇到佢唔係用黎殺虫....
我搵到係網上既資料，一隻叫多寧既農藥唔 ...

多謝你的資料
我唔係太清楚係咪出產那裡
這支藥水放了半年，我都未用過
現在都係剛開始試
之前四株臭草都有芽蟲 (以A,B,C,D代替)
A特別嚴重，輕輕撥都好多散落，其他較沒有那樣嚴重。
上星期噴完之後
今天A還有沒有之前那麼多，B,C,D好似沒有，有待觀察
今早在噴A，睇下會否改善

請問你紫色的菜叫乜野名呀？ 唔該晒

shrekkam 發表於 2012-3-19 10:06
多謝你的資料
我唔係太清楚係咪出產那裡
這支藥水放了半年，我都未用過

這不是有機殺蟲劑，都蠻毒小心使用
建議不要使用在食用植物上

殺芽蟲可以用牛奶水或麵粉水
勞工梘水也可以
市售例如苦楝油或清源補都可以喔！

芽虫，我試過稀釋食用洗潔精，葉底葉面噴，然後保持田間底下乾爽，唔好落太多＂淡＂肥，一段時間後，芽虫量小好多。

你塊田附近有無蟻巢？

我棵紫風菜, 都試過咁呀~  之前巳經醫好左, 今日發現又有啦, 天氣一朝濕, 好易有蟲~
我先用蒜頭辣椒切碎加水濕一晚, 第2日再用水稀釋蒜頭辣椒水, 放入噴壺, 把葉面, 葉底, 泥面都噴晒~
在噴葉的同時, 我會檢查葉面同底, 如果太多蟲就真接剪掉, 如少量, 會直接用手壓死蟲蟲,
而葉心有蟲, 我會直接剪掉, 噴完全棵植物, 半小時後用清水清洗噴過的位置, 連續做3日, 之後, 都無再出現啦, 只係最近一冷一熱, 又潮濕下先再有返~

蚜蟲, 好簡單, 你怕唔怕貴?
去花寶買 硅酸鹽白土, 買返黎, 1比100開水, 太少或太多都怕, 蟲多其實我會用多D, 直接噴, 噴完成棵野會白哂, 會全部都係粉, 唔駛理佢,
連噴兩日以上, 包無蚜蟲, 我公司用過, 一流, 唔駛煲水, 唔駛等
我噴第一日, 就己經通地都係蚜蟲屍體
但最好隔幾日再噴, 因為怕蚜蟲BB再出世....

硅酸鹽白土即係海澡化石, 天然的, 未必時時有貨, D粉落左泥都唔怕, 因為對泥土及植物都好有好處

呢樣野都D, 軟綿綿既害蟲都有用, 有硬甲或太大隻既就唔得啦

辣椒十肥皂水
d虫死晒

lvemoe 發表於 2012-3-22 13:35
蚜蟲, 好簡單, 你怕唔怕貴?
去花寶買 硅酸鹽白土, 買返黎, 1比100開水, 太少或太多都怕, 蟲多其實我會用多D ...

硅酸鹽白土是學名嗎？咩顏色？
如果用係食得的植物要等多久？
買時照講佢硅酸鹽白土，個售課員明唔明呀？
會唔會有其他農業述語？