薯仔可以種完再種嗎?

第1次種薯仔, ON 居居, 成個塞入泥, 種左3個月, 前日起出黎睇下, 有d亞媽巳經吸乾吸淨, 有薯仔出左~

請問, 可唔可以插返入泥再種, 仲識唔識生薯仔?

另外, 有個亞媽完全無生仔, 仲好實仔, 我羅左出黎, 同稞葉分開, 棵葉插返入泥種, 有無得生薯仔呢?

亞媽見佢有d側芽出, 放左係到, 側芽出左, 又可唔可以再插返入泥種呢?

原先個盤好似矮左d, 生到成盤都係根, 請問至少盤深要既多先岩種薯仔?

種完薯仔d泥全部都係根, 係咪唔可以再要黎種返野啦? 掉得?

請問有無人可以教教我呀!!! 麻煩晒!!!!

請問, 可唔可以插返入泥再種, 仲識唔識生薯仔? 你指o的仔?
另外, 有個亞媽完全無生仔, 仲好實仔, 我羅左出黎, 同稞葉分開, 棵葉插返入泥種, 有無得生薯仔呢? 就咁分,有無根? 無就好大機會唔生 同埋個薯未必可以再標芽了
亞媽見佢有d側芽出, 放左係到, 側芽出左, 又可唔可以再插返入泥種呢? 有芽就可以
原先個盤好似矮左d, 生到成盤都係根, 請問至少盤深要既多先岩種薯仔? 1呎深會好o的, 最少起碼8吋
種完薯仔d泥全部都係根, 係咪唔可以再要黎種返野啦? 掉得? 唔好浪費,晒下佢,加返堆肥或撈其他泥就可以再用啦,不過如果可以,就唔好用來再種茄科o野lor

薯仔,吾使成個用,你揀有芽眼那面,切1/3至1/2個薯仔(有芽眼那面)出來,用些芽灰,或燒張紙,留d灰,或用石灰粉,將切面印在粉上,若沒有粉可用,就咁晒兩日(作用是要切囗乾水),然後將那1/3薯仔,放在泥下8吋左右,芽向上便可,其餘的薯仔若冇芽便拿去煲湯

p.s  1/3至1/2個薯仔 ...>.其實用50克重

薯仔吾可以連作,那種完薯仔d 泥,起碼有兩三年吾好種薯仔,可改種其他,如菜心等

蕃薯比較忌諱連作，以一般的經驗來種植應該要間隔栽種不同的植物，使其養份均勻吸收與休息，因每一種植物所需養份不同

http://tw.knowledge.yahoo.com/question/question?qid=1009092006765

我新搬的家原本有兩棵薯仔A&B(分開花盆的),聖誕期間我拔起了原個薯仔B(放在另一棵A的泥土上),然後改種了聖誕花,
到現在,薯仔A長高了10CM,而薯仔B有不少的嫩芽伸展到泥土裡,我都唔知會變成點,因為我之前沒有試過園藝。