我的羅勒是否病了？

我的羅勒是否病了？

我是新手一名，請各位幫我睇睇。
一直有長高，但葉都是垂垂。

wah, 好高呀!

係我會剪頂, 頂部份可以插枝, 或者煮餸....

葉片下垂, 看看葉底有無蟲, 或會不會不夠水?

我個棵都係咁, 你cut頂佢會生多d分枝出黎; 應該係唔夠水, 我成日唔係屋企淋水, 所以佢生到好似你咁垂晒, 我d葉曲埋, 不過佢唔會死, 香味一樣照食可也....

我果棟都係咁, 我一日淋一次水, 足一杯... 但D葉都係DUP曬頭
我又試下淋多D先!

已檢查沒蟲,我已經cut頂插枝, 又淋多左水,過兩日睇下有冇進展.

摘左頂用黎醃雞翼呀, 我覺得好香好好食....我成日cut佢d葉黎醃 ^_^

豬扒貓 發表於 2011-11-29 15:50
摘左頂用黎醃雞翼呀, 我覺得好香好好食....我成日cut佢d葉黎醃 ^_^

haha....得幾塊葉仔,應該唔夠醃,我想整青醬,依家要等佢開枝散葉先.

lola 發表於 2011-11-28 04:26
係我會剪頂, 頂部份可以插枝, 或者煮餸....

葉片下垂, 看看葉底有無蟲, 或會不會不夠水? ...

你可以一分為三, 換一個稍大稍深的盆, 我見市面上賣的都是這樣做的

我的羅勒得4塊葉(不計真葉), 但生生下佢第1,2塊真葉向上捲起, 大家有無遇過這種情況呢? 會唔會係近排我淋得太多水??

jessicayip31  cut頂插枝使唔使先浸水等出根先落泥種?

有結果喇！插泥同浸水，我兩樣都試左！
插泥在室外，浸水在室內育苗盒，証明插泥d根生得快好多。
去片＞＞＞＞

lola 發表於 2011-11-29 18:01
你可以一分為三, 換一個稍大稍深的盆, 我見市面上賣的都是這樣做的

我讚成依個做法。

如果唔想分咁多盆，就係泥面以上大約10-15CM位剪左佢。
剪落黎既可以食左佢或插枝生多D...

剩番既就會生側芽。即係會開始生橫枝，咁就唔只向上一直生。

我自己呢...一開始見佢有橫枝生，就會將大塊葉收割左佢，咁新葉先夠營養嘛...
香草一定要有適度既收剪同採收，咁可以刺激生長。

你D大塊葉唔收，遲D咪變老葉囉..浪費左呀...香草唔好唔捨得食呀....

另外，葉垂可能係唔夠水，你一味噴濕D葉唔係辦法，吸水係根部做架嘛...
可以換個大d深D既盆，等泥多D保水會好D，咁根先有得吸水嘛...

另一個做法，依家天氣...可以用膠袋或膠紙套住佢，再係頂度開口抖氣，咁樣水份散失亦會減少D。(只適合冬天乾燥天氣)